कुलुस्सि 2:18 - बारेली पावरी

¹⁸ कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.

कुलुस्सि 2:18 ပူးပေါင်းရင်းမြစ်များ

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

रोमी 1:25

काहाकि चे परमेश्वरोन खोरला काजे बोदलीन झुटो बोनाव देदा, एने जो बोनावलो छे तेरी आराधना एने सेवा कोऱ्या, एने नी ते तिना बोनावने वावान जू हमेशा सोयावा छे, आमेन.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

1 कुरीन्थियो 13:4

मोंग धीर धोरतली छे एने गिनाखी छे; एने मोंग हेवाय नी कोरतेली; मोंग आपनी खुदोन बोढाई नी कोरतेली, एने फुगतली नी, ची गैर शिस्त नी रोयतली,

1 कुरीन्थियो 3:3

काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?

1 कुरीन्थियो 4:18

काहना ते ओसा फुल गोयला छे, मानो मे तुमरेनचा आवने वावू नी होय.

1 कुरीन्थियो 4:6

हे भाशो, मे इना मोटायमा तुमरेन कोरता आपनी एने अपुल्लोसन खोबर दर्शनोन रिती पोर कोरलो छे, इनान कोरता कि तुमु आमरे लारे यो सिकू कि लिखला सी ओगा मा बोढू, एने एकान पक्षमा एने दिसरान खिलापमा मोटाय नि कोरनो.

1 कुरीन्थियो 8:1

हिमी मूर्ती ओगोव बलिदान कोरला चीजोन बारामा आमुक मालूम छे कि आपु आखा काजे मालूम छे. ग्यान मोटाय पोयदा कोरतेला छे, बाकीन मोंगसी उन्नती होयतेली छे.

1 कुरीन्थियो 9:24

काय तुमु नी जानतला कि दोवोळनेमा ते दोवोळतला आखा छे, बाकीन इनाम एकुत ली जातलु? तुमु ओसलोत दोवेळना काजे जिकू.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

इफिसीयो 4:17

इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

इफिसीयो 5:6

कुदू तुमुक वायबार वातोसी धुकू नी देनो जुवे काहाकि इनान कामोन वोजेसी परमेश्वरोन रीस आग्या नि मानने वावा पोर पोळतेली छे.

फिलिप्पि 3:14

निशाणी भूनी जाया कोरो काहाकि चो इनाम लेये जिनान कोरता परमेश्वर मेसे काजे मसिह येसुमा उपोर बुलावलो छे.

कुलुस्सि 2:23

इना विधीमा आपनी मोर्जीन अनसारे बोनावली आराधना काजे रिती एने आत्म-हिनता एने डीलोन योगाभ्यासन भावोसी ग्यानोन नाव ते छे, बाकीन डीलोन लालच काजे रुकनेमा कायबी लाभ नि होए.

कुलुस्सि 2:4

यो मे इनान कोरता कोयो कि कहानुस माणूस तुमुक भडकावनेवावी वातोसी धोकू नि आपे.

कुलुस्सि 2:8

हुशारीमा रोयू कि कुदु तुमु काजे तीना तत्व ग्यान एने वायबार धोकान वजेसी आपनो अपमान नि कोराय लेये, जू माणसोन रिती रीवाज एने जोगोन पेहेली शिक्षान अनसारे ते छे, बाकीन मसिहन अनसारे नि.

1 तीमथी 1:7

एने शास्त्रध्यापक ते होयनेन कोरतेला छे पुन जी वात कोयतेला एने जीनुक हिंमतसी कोयतेला छे, हिनुक सोमझतला बी नी.

1 तीमथी 4:1

पुन आत्मा साफ रितीसी कोये कि आवने वावी टेममा कोतरा माणसोन फोसाळने वावी आत्मा, एने भुंडली आत्मान शिक्षा पोर मन लागाळीन भुरसासी भटक जासे.

2 पतरस 2:14

तिंदरा डूवामा वैश्या मा बसला छे, एने चे पाप कोरे बिना रोय नि सोकतला, चे अस्थिर मोनवावा काजे फुसलावी लेतला छे; तिंदरा मोनो काजे लाभ कोरणेन पोढायी होय गोयलु छे; चे रीसोन वारीस छे.

1 योहान 2:26

मे यी वात तुमुक हिंदरा बारामा लिखलू छे, यो तुमुक भनकावतलो छे;

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.