कुलुस्सि 1:12 - बारेली पावरी

¹² एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

कुलुस्सि 1:12 ပူးပေါင်းရင်းမြစ်များ

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 20:17

येसु तिनी काजे कोयू, “मेसेक मा छिमे, काहाकि मी हिमी तोक बासोनचा उपोर नि गोयू, बाकीन मारा भाशोनचा जायीन हिनु काजे कोय दे, कि मे मारा बास एने तुमरू बास, एने मारू परमेश्वर एने तुमरू परमेश्वर तेरेनचा जाम.”

योहान 4:23

बाकीन ची टेम आव लागी, एने हिमी बी छे, जीनामा खोरला भोक्ती कोरणे वावान बासोन आराधना आत्मा एने खोराइसी कोरसे, काहाकि बास तेरेन कोरता ओसोच भोक्ती कोरणे वावा काजे हेरतलु छे.

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 11:17

पुन ओगर काहना डाव्या काटनेमा आव्यो, एने तू जंगली जेतुन बोनीन तिंदरेमा छाटाय गोयो, एने जेतुनोन मुव थुलोक नोरमायीन भागीदार होय गोयलो छे.

रोमी 15:27

तीनु काजे वारू ते लाग्यो बाकीन चे दीसरा कोरजा वावान छे काहाकि ओगर दिसरा जातीन तिंदरी आत्मिक वातो पोर भागीदार होया ती तीनुक बी वारू छे कि शारीरिक वातोमा तिंदरी सेवा कोरे.

रोमी 8:17

एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.

रोमी 9:23

एने दयान ठाहरा पोर, जीनुक चू महिमान कोरीन पेहेले तीयार कोऱ्यु आपना महिमान धोन काजे देखाळनेन मोर्जी कोऱ्यु?

1 कुरीन्थियो 8:6

ते बी आमरेन कोरता ते एकुत परमेश्वर छे; मतलब बास जिना तोरोफसी आखा चीजे एने आपना तिनान कोरता छे मतलब, येसु मसिहन जिनान लारे आखा चीजे बोन्या एने आपनु तेरे लारे.

1 कुरीन्थियो 9:23

मे यो आखो काहीन वारली खोबरोन कोरता कोरो कि दिसरान साते तिंदरो भागीदार होय जाम.

2 कुरीन्थियो 11:14

जी काहीन नोवलायीन वात नी होय काहाकि भुतडू खुद भी तेजस्वी सोरग दूतोन रूप धारण कोरतेलू.

2 कुरीन्थियो 5:5

जू आपनु काजे इनी वातोन कोरता तीयार कोरतेलू छे चू परमेश्वर छे जू आपुक मोकवोन आत्मा आपलु छे.

इफिसीयो 1:11

तीनामा जीनामा आमु बी तिनान मोर्जी जो आपनी मोर्जीन मोतोसी आखो काय कोरतेलू छे पेहेलेन ठेरावीन जायीन भागीदार बोनजे.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

इफिसीयो 2:18

काहाकि तिनान लारे आमु दुयू एक आत्मामा बासोनचा पुगाळतलो.

इफिसीयो 3:6

मतलब यो कि मसिह येसुमा वारली खोबरोन लारे दिसरा जातीन माणसे विरासत मा भागी से एने एक डीलन एने वायदान भागी छे.

इफिसीयो 4:6

आखान एकुत बास छे जू आखान उपोर एने आखान इचमा एने आखामा छे.

इफिसीयो 5:11

आंदारलान बिना फोवोन कामोमा भेसकायू बाकीन तिनान खिलाप जावू.

इफिसीयो 5:20

एने हमेशा आखा वातोन कोरता आपना प्रभू येसुन मसिहन नावोसी परमेश्वर बासोन धन्यवाद कोरता रोयू.

इफिसीयो 5:4

एने नी बिन लाज्या नी ठगनेन वाते नी मोजाकोन; काहा यो वाते शोभा नी देती, पुन धन्यवाद सोमवायनो जुवे.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

कुलुस्सि 3:15

मसिहमा शांती जिनान कोरता तुमु एक डील होयीन बुलावला छे तुमरा मोनमा राज कोरे, एने धन्यवाद कोरता रोये.

कुलुस्सि 3:17

वचनमा नीती कामोमा जो कायबी वात कोरु आखो प्रभू येसुन नावोसी कोरु, एने तिनान लारे परमेश्वर बासोन धन्यवाद कोरु.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 12:23

एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

याकुब 3:9

इनासी आमु प्रभू एने बासोन स्तुती कोरतेला छे, एने इनासी माणूस काजे जो परमेश्वरोन रूपमा बोनावला छे, शाप देतला छे.

1 पतरस 5:1

एरेन कोरता मी जो तुमु आखा डाह-डाहा छे, मसिहन दुखोन गोवा छे, एने देखायने वावी महिमामा भागी होयीन तीनुक यो सोमजाडो,

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

प्रकाशित वाक्य 21:23

तिना गावमा सूर्यान एने चांदोन विजावान गोरोज नी होय, काहाकि परमेश्वरोन तेजोसी तिनामा विजावो होयलो छे, एने गाडरु हिंदरु दिवू छे.

प्रकाशित वाक्य 22:14

“सोयावा चे छे, जे आपना छिंदरा धुवलेतला छे, काहाकि तीनुक जीवनोन झाडोनचा आवनेन होक जोळसे, एने फाटकोण गोथा आवीन गावमा भोरायसे.”

प्रकाशित वाक्य 22:5

पोछि रात नी होये, एने तिना दिवा एने दाहळान विजावान गोरोज नी रोये, काहाकि प्रभू परमेश्वर हिनुक विजावो आपसे, एने चे कायम राज कोरसे.