प्रेषित 8:1 - बारेली पावरी

¹ शाउल तेरी मोत सी सहमत होतु, तिने दाहळे यरुशलेमोन मंडवी पोर मोटूत छोळोन सुरवात होय गोयी एने प्रेषितोन काजे छुळीन आखान आखा यहुदिया एने सामरिया देसोमा तितर-बीतर होय गोया.

प्रेषित 8:1 ပူးပေါင်းရင်းမြစ်များ

मत्ती 22:6

दिसरा जातीन माणसे जे वाच रोया होता तिंदरा पावोर काजे धोरीन बेइज्जत कोऱ्या एने मार नाख्या.

मत्ती 23:34

इनान कोरता देखू, मे तुमरेनचा भविष्य कोरता एने ग्यानी एने शास्त्री काजे मुकलो; एने तुमु तिंदरेमा गोथा काहनास काजे मार नाखसू एने ख्रुस पोर चोळावसू, एने काहनास काजे आपना प्रार्थना घोरोमा चाबका मारसू एने सोहोरोमा गोथा दिसरा सोहोरोमा दोवळावता फिरसू.

मत्ती 5:13

तुमु धोरतीन मीठो छे; बाकीन अगर मीठान सोवाद बीगळी जाय ती चो पोछो काहना चीजोसी खारो कोरायसे? ओवतेन चो काय कामोन नी होय, निसतो एरू कि बारथे नाखाय जाय एने माणसोन पायो तोवे रोंदवाय जाय.

योहान 15:20

जे वाते मे तुमु काजे कोयलु होतु, गुलाम आपना मालिक गोथू मोटलु नि रोयतलु, “इनाक फोम राखू. ओगर चे मेसेक तोकलीत आप्या, ती तुमु काजे बी तोकलीत आपसे, ओगर चे मारी वात मानता, ती तुमरी बी माणसे.”

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

प्रेषित 1:8

बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

प्रेषित 13:1

अन्ताकिया मंडवीमा काहनास भविष्य कोरता एने भोनावने वावा होता जोसा बरनाबास एने शिमोन जीनाक नीगर कोयता होता एने लुकीयुस कुरेनेकर, चौथाईन देसोन राजा हेरोदसोन दुधभाई मनाहेम एने शाउल.

प्रेषित 13:36

काहाकि दाऊदन परमेश्वरोन मोर्जी नुसार आपना पीढीन माणसोन सेवा पुरो कोरीन सुव गोयू एने आपना आखा बाप दादानचा गाळाय गोयू, एने सोळ गोयू.

प्रेषित 2:47

चे परमेश्वरोन स्तुती कोरता रोयता होता आखा माणसे तिंदरे साते वारला रोयता होता जिंदरा छुटकारू होयतू होतु तीनु काजे प्रभू तीनुमा मेवाळतू होतु.

प्रेषित 22:20

जेतार तारू गोवा स्तेफनोन लुय वोयतो होतो ती मे बी चा उबरोयलो होतो तेरा मोनोमा सामील होतो एने मारने वावान छिंदरा राखवावी कोरतू होतु;

प्रेषित 26:10

एने मे यरुशलेममा योत कोऱ्यु पुढाऱ्या हाते होक लीन मे घोणा चुखला माणसो काजे निस्तु जेलमा नाख्यू बाकीन जेतार तीनुक मार नाखता होता नी मे तिंदरा खिलाप आमरी संमती बी होती.

प्रेषित 5:18

एने प्रेषित माणसो काजे धोरीन जेलमा बोंद कोर देदा.

प्रेषित 5:20

“जावू मंदीरमा उबरोयीन इनी जीवनोन आखी वाते माणसो काजे सोमवाळू.

प्रेषित 5:33

यो सामविन चे रीसवाय गोया एने तीनुक मार नाखनेन कोऱ्या.

प्रेषित 5:40

तेत्यार चे तिंदरी वात मान लेदा एने प्रेषितोन काजे बुलावीन देवाळ्या; एने जू आदेश आपीन छुळ देदा कि येसुन नाव एने पोछा लेता झुनी.

प्रेषित 7:38

यु चू छे उजाळीमा सोळविण इचमा चू सोरगोन दूत पुठी सिनाय बोयळा पोर तीना पुठी वाते कोऱ्यु एने आमरा बाप दादान होतु तीनाक जीवतलो वचन जोळ्यो कि आमरेनचा तोक पुगाळे.

प्रेषित 7:54

जे वाते सोमवीन चे कुहराया एने तीना पोर दात कोकळावने बाज गोया.

प्रेषित 7:58

एने तीनाक सोहोरोन बारथे निकावीन तिना काजे दोगळा देणे बाज गोया, “एने गोवाने आपनेवावा आपना छिंदरा शाउल नावोन एक जुवानोन पायोंचा निकावीन मेक देदा”

प्रेषित 8:14

जेतार प्रेषितोन जे यरुशलेममा होता, सोमव्या कि सामरिया परमेश्वरोन वचनमा लेदला छे ती पतरस एने योहान काजे तिंदरेनचा मुकल्या.

प्रेषित 8:2

काहनास भक्त माणसे स्तेफन काजे मोळवाट्यामा मेक्या एने तेरेन कोरता दुख कोऱ्या.

प्रेषित 8:4

जे तितर बीतर होयला होता, चे वारली खोबर सोमवाळता फिऱ्या,

प्रेषित 8:5

एने फिलीप सामरिया सोहोरमा जायीन माणसोमा मसिहन प्रचार कोरनेन बाज गोयू.

प्रेषित 9:31

आखरी आव्या यहुदि, गलील एने सामरिया मंडवी काजे शांती जोळी, एने तेरी बोढती होयती गोयी, एने ती प्रभून बिक मा चालती एने पवित्र आत्मासी बोढती गोयी.

रोमी 1:32

चे ते परमेश्वरोन जी रिती जानतला छे कि ओसला ओसलान काम कोरणे वावा मोरनोन दोंडोन लायक छे ते बी नी निसतू तुमु बी ओसला काम कोरतेला बाकीन कोरणे वावासी खुश बी होयतला छे.

फिलिप्पि 1:12

हे भाशो, मारी मोर्जी छे कि तुमु यो सोमजी लेवू कि मारे पोर जो वितलो छे, तीनासी वारली खोबरोन बोढती होयली छे.

इब्रानियो 11:27

भुरसासी चू राजान रीससी नी बिह्तु जायीन मिसर देस काजे छुळ देदु, काहाकि चू नी देखला काजे जोसो देखला सारकू पाकु बोनीन रोयू.