प्रेषित 6:9 - बारेली पावरी

⁹ तेत्यार तिना प्रार्थना घोरमा जे लीबिर्तीनेन कोवायती होती एने कुरेनेकर एने सिकनदरिया एने किलिकिया एने आसियान माणसो मायला लोकेत माणसे उठीन स्तेफन पुठी जोखळायने बाज गोया;.

प्रेषित 6:9 ပူးပေါင်းရင်းမြစ်များ

मत्ती 10:17

बाकीन माणसो गोथा सावधान रोयू, काहाकि चे तुमु काजे महासभामा तिंदरे होवाले कोरसे, एने पंचायतमा तुमुक चाबका देसे.

मत्ती 23:34

इनान कोरता देखू, मे तुमरेनचा भविष्य कोरता एने ग्यानी एने शास्त्री काजे मुकलो; एने तुमु तिंदरेमा गोथा काहनास काजे मार नाखसू एने ख्रुस पोर चोळावसू, एने काहनास काजे आपना प्रार्थना घोरोमा चाबका मारसू एने सोहोरोमा गोथा दिसरा सोहोरोमा दोवळावता फिरसू.

मत्ती 27:32

बारथे जाता जायीन हिनुक शिमोन नावोन कुरेनी माणूस भेटायु चे हिनाक बिना कामोन धोऱ्या कि हेरु ख्रुस हाकलीन ली चाले.

मरकुस 13:9

“बाकीन तुमु आपना बारामा हुशारीमा रोयू; काहाकि माणसे तुमु काजे मोटला सभान होवाले कोरसे एने तुमु प्रार्थना घोरमा मार खासु, एने मारे वजेसी सुभेदारोन एने राजान ओगोव उबा कोराय जासे, काहाकि तिंदरेन कोरीन गोवा होये.”

लुका 21:12

बाकीन इनी आखी वातोसी पेहेले चे मारे नावोन वाजेशी तुमु काजे धोरसे, एने तोकलीत देसे, एने पंचायतोन हवाले कोरसे, एने जेलमा घालाड देसे, एने राजा एने पुढारीन सामने लीजासे.

प्रेषित 11:20

बाकीन तीनु मायला कुदू साइप्रसोन एने कुरेनी होता जे अन्ताकिया पुगीण युनानी काजे बी प्रभू येसुन वारली खोबर सोमवाळने बाज गोया.

प्रेषित 13:1

अन्ताकिया मंडवीमा काहनास भविष्य कोरता एने भोनावने वावा होता जोसा बरनाबास एने शिमोन जीनाक नीगर कोयता होता एने लुकीयुस कुरेनेकर, चौथाईन देसोन राजा हेरोदसोन दुधभाई मनाहेम एने शाउल.

प्रेषित 13:45

बाकीन जेतार यहुदि भिळ काजे देख्या ती चे हेवाय कोरणे बाज गोया एने बुराई कोरता जायीन पौलुसोन कोयली वातो काजे रुकने बाज गोया.

प्रेषित 15:23

चे तिंदरे हाते यो लिखीन मुकल्या “प्रेषितोन एने तीनु भाशोन तोरोफसी जे डायला छे, अन्ताकिया सिरीया एने किलिकिया मंडवीन भाशो काजे जे दिसरा जातीन होता नमस्कार.”

प्रेषित 15:41

एने चू मंडव्या काजे वातळा कोरतु जायीन सिरीया काजे किलिकिया जातु जायीन चा गोथू जात रोयू.

प्रेषित 16:6

फुग्रीया एने गलातिया प्रदेशमा गोथा, काहाकि पवित्र आत्मा तीनु काजे आसियाम वचन सोमावने मोना कोऱ्यु.

प्रेषित 18:24

अपुल्लोस नावोन एक यहुदि जेरो जन्मो सिकनदरियामा होयलू होतु जू ग्यान वावु माणूस एने पवित्र शास्त्र काजे वारला रितीसी उवखायता होता इफिसमा आव्यु.

प्रेषित 19:10

दुय साल तोक योत होयतो रोयो, न्या तोक कि आसियान रोयने वावा काय यहुदि काय युनानी आखा प्रभून वचन सोमवी लेदा.

प्रेषित 19:26

तुमु देखतला एने सोमवतला छे कि निसतो इफिसमा नी, बाकीन प्राय आखा आसियामा यो कोयी कोयीन यु पौलुस जादा माणसो काजे सोमजाडयु एने बुलाळतलु बी छे, कि जी हातोन कारागीरी छे चे परमेश्वर नी होय.

प्रेषित 21:27

जेतार चे सात दाहळा पुरा होयने पोर होता ती आसियान यहुदि पौलुस काजे मंदीरमा देखीन आखा माणसो काजे भोडकाव्या, एने ओसो आयळीन तीना काजे धोर लेदा.

प्रेषित 21:39

पौलुस कोयू “मे ते तरसुसन यहुदि माणूस छे, किलिकिया प्रसिद्ध सोहोरोन निवासी छे मे तुसेक विनता कोरो कि मेसेक माणसोन साते वाते कोरणे दे.

प्रेषित 22:19

मे कोयू, प्रभू चे ते खुद मालूम छे कि मे एक मंदीरमा गोथू दिसरा प्रार्थना घोरोमा जायीन तारे पोर भुरसू कोरणे वावाक धोरीन बोंदी बोनावतू होतु, एने देवाळतू होतु.

प्रेषित 22:3

“मे यहुदि छे किलिकिया तरसुसमा जन्मो लेदलु छे, बाकीन इना देसोमा मारो पालन पोषण होयलो छे एने गमलीएल पायोनचा बोसीन डायला शास्त्रनियमोन अनसारे कोळकोळीन सिकाळलो छे, एने परमेश्वरोन कोरीन खुशीमा भोरीन होयलु होतु जोसो कि आज तुमु छे.”

प्रेषित 23:34

चिट्ठी वाचीन पुछु, “यु काहनला प्रांतोन छे?”

प्रेषित 24:18

चे मेसेक मंदीरमा, चुखला मोनोसी, बिना गोरदीन, एने नि दोगु कोरतेलू काहीन भेट चोळावतलु देख्या बाकीन आसियान काहनास यहुदी होता एने तीनुक सही होतो.

प्रेषित 26:11

मे खुद आखा आराधनालयमा जायीन तीनुक तोकलीत आप्या कोरतू होतु एने येसुन बुराई कोरावता होता, एने रीसवायीन देस मायीन गावमा तिंदरे पोछो पोळतू होतु.

प्रेषित 6:10

बाकीन तिनी ग्यान एने तीना आत्मान जीनासी चू वात कोरतू होतु लोळाय नि सोक्या.

1 कुरीन्थियो 1:20

का रोयू ग्यानवावू? का रोयू शास्त्री? का रोयू इना जोगोन विवादी? काय परमेश्वर संसारोन ग्यान काजे बिना दिमाकोन नी ठेराव्यु?

गलातियों 1:21

इनान ओवते मे सिरीया एने किलिकियान प्रांतमा आव्यु.