प्रेषित 4:5 - बारेली पावरी

⁵ दिसरे दाहळे ओसो होयो कि तिंदरा अधिकारी, पुढारी एने शास्त्री यरुशलेममा एखठा होता.

प्रेषित 4:5 ပူးပေါင်းရင်းမြစ်များ

मरकुस 15:1

एने सोंदारो होयताच मामार प्रधान पुजारा, डाह-डाहा, एने शास्त्री एने आखी मोटली सभा पोतू लागाळीन येसु काजे बांदाळ्या, एने तीना काजे लीजायीन पिलातोन हातोमा आप देदा.

लुका 20:1

एक दाहळे ओसो होयो कि जेतार येसु मंदीरमा माणसो काजे सिकाळतू एने वारली खोबरोन प्रचार सोमवाळ रोयू होतु, ती प्रधान पुजारू एने शास्त्री, पुढारी इंदरे पुठी साते आवीन उबरोय गोया;

लुका 22:66

जेतार दाहळू उग्यु ती माणसोन डायला एने प्रधान पुजारू एने शास्त्री एखठा होया, एने तीनाक आपना महासभामा लावीन पुछ्या,

लुका 23:13

पिलात एने प्रधान पुजारू एने सरदारे एने माणसो काजे बुलावीन तीनु काजे कोयू,

लुका 24:20

एने प्रधान पुजारू एने आमरा सरदारे तीनाक धोराव देदा कि तिना पोर मोरनेन आग्या आपाय जाय; एने तीना काजे ख्रुस पोर चोळाव्या.

प्रेषित 4:8

तेत्यार पतरस पवित्र आत्मासी पुरो भोरायीन तीनु काजे कोयू तेतार आखा यरुशलेममा प्रधान अधिकारी एने डाह-डाहा.

प्रेषित 5:34

बाकीन गमलीएल नावोन फरुशी जू नियम शास्त्रध्यापक होतु एने आखा माणसोन ओदर होतु महासभामा उभो रोयीण हुकुम आप्यू कि इनू माणसो काजे थुलिक वारोन कोरीन बारथे निकाव देवू.

प्रेषित 6:12

एने माणसो काजे डाह-डाहा एने शास्त्री काजे भळकावीन चोळाव्या एने तीना काजे धोरीन महासभामा लीगोया.