प्रेषित 2:41 - बारेली पावरी

⁴¹ आखरी चे माणसे तेरो वचन सोमव्या चे बाप्तिस्मा लेदा; एने तिने दाहळे तीनुमा लगभग तीन हजार माणसे मेवाय गया.

प्रेषित 2:41 ပူးပေါင်းရင်းမြစ်များ

योहान 14:12

“मी तुमु काजे छाचलीन-छाचलीन कोयो कि जू मारे पोर भुरसू कोरे, जो काम मे कोरतेलू छे चू बी कोरसे, बाकीन इनू गोथा बी मोटा काम कोरसे, काहाकि मे बासोनचा जाम.

योहान 21:11

ती शिमोन पतरस ढोंड्या पोर चोळीन एकसोव त्रेपन मोटला माछा सी भोरली जावी काठ पोर हापक्या, एने ओतरा माछा रोयने पोर बी जावी नि फाटी.

प्रेषित 1:15

तीनु दाहळान पतरस भाशोन इचमा जे एकसोव वीस माणसोन लगभग होता, उभा रोयीण कोयने बाज गोयू,

प्रेषित 13:48

जेतार दिसरा जाती वचन सोमव्या ती चे खुशी कोरतेला जायीन प्रभून वचनोन स्तुती कोरणे बाज गोया एने जोतरा ओमोर जीवनोन कोरता ठेराव गोयला होता, चे भुरसू कोऱ्या.

प्रेषित 2:37

चे जेतार यो सोमव्या ती तिंदरा मोन भोराय गोयो एने चे पतरस एने दिसरा प्रेषितोन काजे पुछ्ने बाज गोयो “भाशो आमु काय कोरजे?”

प्रेषित 2:47

चे परमेश्वरोन स्तुती कोरता रोयता होता आखा माणसे तिंदरे साते वारला रोयता होता जिंदरा छुटकारू होयतू होतु तीनु काजे प्रभू तीनुमा मेवाळतू होतु.

प्रेषित 27:37

जहाज पोर आमु बी आखा दुय सोव छत्तीस जोना होता.

प्रेषित 3:23

एने ओसो होयसे कि होर एक माणूस तिना भविष्य कोरता पोर ध्यान नि लागाळे माणसोन पुरो नाश कोराय जासे.

प्रेषित 4:4

ते बी वचन सोमवावने वावान गोथा घोणा सोवटा भुरसू कोऱ्या एने तिंदरू आकळू लगभग पाच होजार होय गोयी.

प्रेषित 7:14

तेत्यार युसूफ आपनु बास याकुब एने आपनु आखो परिवार काजे जे पिंच्यातोर जोना होता बुलाव्यू.

रोमी 13:1

हर एक जोणु सरकारी अधिकारीन अधीन रोयू, काहाकि काहनु अधिकारी ओसू नी होय जू परमेश्वर भूनी गोथू नी होय; एने जे होक छे, चे परमेश्वरोन ठेरावलु छे.

1 थिस्सलुनीकियो 1:6

तुमु मोटा तोकलीतमा, पवित्र आत्मान खुशी पुठी, वचन काजे मानीन आमरी एने प्रभून तोसी चाल चालने बाज गोया.

1 पतरस 3:20

जो तीने टेमे आग्या नि मान्या, जेतार परमेश्वर नुहान दाहळामा धीर धोरीन रोयू एने चू ढोंड्यो बोनावतू होतु, तिनाम बोठीन थुलाक माणसे मतलब आठ जनावरे पाणीन लारे वाच गोया.

प्रकाशित वाक्य 16:3

दिसरू सोरग दूत एरो वाटको दोरीया पोर पोखडी देदू, एने चो मोरला माणसोन लुय सारखो होय गोयो, एने दोरीयाम वावा होर एक जीव मोर गोया.