प्रेषित 2:4 - बारेली पावरी

⁴ आखा पवित्र आत्मासी भोराय गोया एने, जिना रितीसी आत्मा तीनु काजे बुलावनेन ताकत आप्यू ओलोग-ओलोग भाषामा भूलणे बाज गोया.

प्रेषित 2:4 ပူးပေါင်းရင်းမြစ်များ

मत्ती 10:19

जेतार चे तुमुक धोरावसे ती जी चिंता घोन कोरता कि आमु काहनला रितीसी एने काय कोयसु, काहाकि जो काय तुमु काजे कोयनो रोयसे, चो तिने टेमे तुमु काजे कोवाय जासे.

मरकुस 16:17

भुरसू कोरणे वावामा ये चिन्ह होयसे कि चे मारा नावोसी भुंडली आत्मा काजे निकावसे, नोवली-नोवली भाषा बुलसे,

लुका 1:15

काहाकि चू प्रभून सामने मोटू होयसे; एने आंगुरोन रोस एने मोंद कोबी नि पिये; एने आपनी आशोन कुखोमा गोथूच पवित्र आत्मासी भोराय जासे;.

लुका 1:41

जोसी एलीशिबा मरीयान नमस्कार सोमवी, तोसोच पुऱ्यो तेरा पेटमा उछव्यो, एने अलीशीबा पवित्र आत्मासी भोराय गोयी.

लुका 1:67

तेरु बास जखऱ्या पवित्र आत्मासी भोराय गोयू, एने भविष्यवाणी कोरणे बाज गोय.

लुका 12:12

काहाकि पवित्र आत्मा तिनी टेमे तुमुक सिकाळ देसे कि काय कोयनू जुवे.”

लुका 21:15

काहाकि मे तुमु काजे ओसू बुल एने ग्यान आपीस कि तुमरा आखा दुष्मोन तुमरू सामनु नीती रूकावट नि कोर सोके.

लुका 4:1

ओवतेन येसु पवित्र आत्मासी भोरायलू, यरदन नोंदीमा गोथू पोछु आव्यु; एने चावीस दाहळा तोक आत्मान सिकाळने पोरसी बोयळामा फिरतू रोयू;

योहान 14:26

बाकीन मदतगार मतलब पवित्र आत्मा जीनाक बास मारे नावसी मुकलसे, चू तुमु काजे आखा वाते सिकाळसे, एने जो काहीन मी तुमु काजे कोयलु छे, चो आखो तुमु काजे फोम देवाळसे.”

योहान 20:22

यो कोयीन चू तिंदरे पोर फुक्यू एने तीनु काजे कोयू, “पवित्र आत्मा लेवू.

प्रेषित 1:5

काहाकि योहान ते पाणीमा बाप्तिस्मा आप्यू बाकीन थुलाक दाहळान बादमा तुमु पवित्र आत्मासी बाप्तिस्मा लेसू.

प्रेषित 1:8

बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

प्रेषित 10:46

काहाकि चे तीनुक भाती-भातीन भाषा बुलतला एने परमेश्वरोन बोढाई सोमवला इनापोरसी पतरस कोयू.

प्रेषित 10:47

“काय कुदु पाणी काजे रुक सोकतलु कि यो बाप्तिस्मा नि लेये, जे आमरे सारका पवित्र आत्मा ली रोया.”

प्रेषित 11:15

एने जोसू मे बुलनो चालू कोऱ्यु ती पवित्र आत्मा तिंदरे पोर बी तीना रितीसी उतऱ्यु जिना रितीसी पेहेले आमरेपोर उतरलु होतु.

प्रेषित 11:24

काहाकि बरनाबास एक वारलु माणूस होतु एने पवित्र आत्मा एने भुरसामा पुरू होतु एने घोणा सोवटा माणसे परमेश्वरोनचा लावाय गोया.

प्रेषित 13:52

एने चेला खुशीसी पवित्र आत्मासी पुरा-पुरा होयता गोया.

प्रेषित 13:9

तेत्यार शाउल जेरो नाव पौलुस बी होतो पवित्र आत्मा भोरायीन तेरे भूनी टोक लागाळीन देख्यू एने कोयू.

प्रेषित 15:8

एने परमेश्वर जू माणसो काजे पारखे, तीनु काजे बी पवित्र आत्मा आपीन तिंदरा बारामा गोवायी आपे.

प्रेषित 19:6

जेतार पौलुस तिंदरे पोर हात मेक्यू, ती पवित्र आत्मा हिंदरे पोर उतऱ्यु, एने चे भाती-भातीन भाषा बुलने एने भविष्यवाणी कोरणे बाज गोया.

प्रेषित 2:11

मतलब यहुदि एने मोन धोरू कोयने वावा चे क्रेती एने अरबी बी छे बाकीन आपनी-आपनी भाषामा, तिंदरे गोथू परमेश्वर मोटला कामोन वाते सोमवतेला छे.

प्रेषित 2:3

एने तीनु काजे आगठीन जीब धोपतली देखायी, एने तिंदरे माईन होर एक पोर आव लागी.

प्रेषित 4:31

जेतार चे प्रार्थना कोर लेदा, ती तिने जागे जां चे एखठा होता हाल गोया एने चे आखा पवित्र आत्मासी भोराय गोया एने परमेश्वरोन वचन मन लागाळीन सोमवता गोया.

प्रेषित 4:8

तेत्यार पतरस पवित्र आत्मासी पुरो भोरायीन तीनु काजे कोयू तेतार आखा यरुशलेममा प्रधान अधिकारी एने डाह-डाहा.

प्रेषित 6:3

इनान कोरता, हे भाशो, आपनेमा सात पुढारी माणसो काजे जे पवित्र आत्मा एने ग्यानसी भोरायला होसे नेवाळ लेसू, कि आपनु तीनु काजे इना कामोन कोरता नेम देजे.

प्रेषित 6:5

जी वात आखा माणसोक वारू लागी, एने चे स्तेफन नावोन एक माणसो काजे भुरसामा एने पवित्र आत्मासी भोरायलू होतु, एने फिलीप, एने प्रुखुरुस, निकानुर, एने तीमोन, एने परमिनास, एने अन्ताकिया निकोलास काजे यु यहुदिन मोतानुसार आवलु होतु, नेवाळ लेदा.

प्रेषित 6:8

स्तेफन दया एने ताकतसी भोराईन मोटा-मोटा अदभूत काम एने चिन्ह देखाळतू होतु.

प्रेषित 7:55

बाकीन चू पवित्र आत्मासी भोरायीन सोरग भूनी देख्यू एने परमेश्वरोन महिमा काजे एने येसु काजे परमेश्वरोन जेवळे धोळे उभू रोयतलु देखीन

प्रेषित 8:17

तेत्यार चे तिंदरे पोर हात मेक्या एने तीनुक पवित्र आत्मा जोळ्यू.

प्रेषित 9:17

तेत्यार हनन्या जायीन तीना घोरोमा भोरायू एने तिना पोर हात मेकीन कोयू, “भाश शाउल, प्रभू येसु जू तुसेक वाट्ये जिने तू आवतू होतु दर्शन आप्यू, चू मेसेक तारेनचा मूकल्यु कि तू पोछु देखणे बाज जाये एने पवित्र आत्मासी पुरू मोराय जाय.”

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

1 कुरीन्थियो 12:10

एने कुदा काजे मोटला काम कोरनेन ताकत, एने कुदा काजे भविष्यवाणी, एने कुदा काजे आत्मान पारख, एने कुदा काजे लोकेत भाती-भातीन भाषान, एने कुदा काजे भाषान मतलब देखाळनेन.

1 कुरीन्थियो 13:1

ओगर मे माणसो पुठी सोरग दूतोन बुली बुलो एने मोंग नी कोरो, ती ठन-ठन वाजणे वावो पीतवो, एने झनझन वाजणे वावी झांज छे.

1 कुरीन्थियो 13:8

मोंग कोबी टोवतली नी; भविष्यवाणी होसे ती सोर जासे; भाषा होसे ती सोर जासे; ग्यान होसे ती खोतम होय जासे;.

1 कुरीन्थियो 14:18

मे मारा परमेश्वरोन धन्यवाद कोरो, कि तुमरे गोथा जादा दिसरी भाषामा बुलतलु.

1 कुरीन्थियो 14:5

मारी मोर्जी छे कि तुमु दिसरी भाषामा वाते कोरु बाकीन इना गोथो ज्यादा यो वारू लागे कि भविष्यवाणी कोरु; काहाकि दिसरी भाषा बुलनेवावू मंडवीन बोढतीन कोरता भाषान मतलब नी देखाळे ती भविष्यवाणी कोरणे वावू तीनासी मोटू छे.

इफिसीयो 3:19

एने मसिहमा तिना मोंगोकाजे ग्यानसी पुरो छे कि तुमु परमेश्वरोन आखो आखान पुठी होय जाय.

इफिसीयो 5:18

आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.

इफिसीयो 6:18

हर टेमे एने हर भातीसी आत्मान प्रार्थना, एने विनता कोरता रोयू कि आखा चुखला माणसोन कोरता जागता रोये कि आखा पवित्र माणसोन कोरता लगातार विनता कोऱ्या कोरु.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

2 पतरस 1:21

काहाकि खुद बी भविष्यवाणी माणसोन मोर्जी सि कुदुबी नी होये, बाकीन भक्त जोन पवित्र आत्मान लारे उबा रोयता जाईन परमेश्वरोनचा बुलता होता.