प्रेषित 17:3 - बारेली पावरी

³ तिंदरू मतलब खुल-खुलीन सोमजाडतू होतु कि येसु काजे दुख उठावनो एने मोरलामा गोथू जीव उठनो जोरुरी होतो; एने “युत येसु जेरी मे तुमु काजे काहनी सोमवाळतू होतु, मसिह छे,”

प्रेषित 17:3 ပူးပေါင်းရင်းမြစ်များ

लुका 24:32

चे आपसामा कोया, “जेतार चू वाटी पोर आमरे पुठी वाते कोरतू होतु एने पवित्र शास्त्रन मतलब आमुक सोमजाडतू होतु, ती काय आमरा मोनोमा उतेजन नि पोयदा होयो?”

लुका 24:44

एने चू तीनुक कोयू, “जी मारी वाते छे, जी मे तुमरे साते रोयीण तुमु काजे कोयलु होतु कि गोरोज छे कि जोतरा वाते मुसान शास्त्राम एने भविष्य कोरतान एने शास्त्रान किताबमा मारा बारामा लिखलो छे चो आखो पुरो होये.”

लुका 24:46

एने तीनु काजे कोयू, “यो लिखलो छे कि मसिह दुख हाकलसे, एने तिसरे दाहळे मोरलामा गोथु जीव उठसे,

योहान 20:9

चे ते हिमी तोक पवित्र शास्त्रान ची वात नि सोमोजता होता कि तीना काजे मोरलामा गोथू जीव उठनो पोळसे.

प्रेषित 1:4

एने मेवीन तीनु काजे आग्या आप्यू, “यरुशलेम काजे छुळता झुनी, बाकीन बासोन वायदाक पुरी होयनेन वाट देखता रोयू, जेरी वाते तुमु मारेंचा गोथा सोमवला छे.”

प्रेषित 18:28

अपुल्लोस तेरी ताकतसी एने कला साते यहुदि काजे आखा सामने अभिभूत कोऱ्यु, पवित्र शास्त्रमा गोथा प्रमाण आप्यू कि येसुत मसिह छे.

प्रेषित 18:5

जेतार सिलास एने तीमथी मकीदुनीया गोथा आव्या, ती पौलुस वचन सोमवाळनेन धूनमा यहुदि काजे गोवायी आपने बाज गोयू कि येसुत मसिह छे.

प्रेषित 3:18

बाकीन जिना वातो काजे परमेश्वर आखा भविष्य कोरता मुखोसी पेहेले देखाळ देदलो होतो कि तेरु मसिहान दुख उठावसे चू इना रितीसी पुरो कोऱ्यु.

प्रेषित 9:22

बाकीन शाउल एने ताकतवान होयतू होतु एने पोटाळ देदु कि मसिह युत छे, दमिश्क रोयने वावा यहुदिन मूय बंद कोरतू गोयू.

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.