प्रेषित 17:2 - बारेली पावरी

² पौलुस आपना अनसारे तेरेनचा गोथू एने तीन शब्बाथोन दाहळे पवित्र शास्त्रमा गोथा तिंदरे साते वाद विवाद कोऱ्यु;.

प्रेषित 17:2 ပူးပေါင်းရင်းမြစ်များ

मत्ती 26:24

माणसोन पुऱ्यु ते जोसो तेरे बारामा लिखलो छे, जातलु छे; बाकीन तिना माणसोन कोरीन दुख छे जिनान लारे माणसोन पुऱ्यु धोराय जातलू छे; अगर तिना माणसोन जन्मो नि होयतो, तेरेन कोरता वारलो होयतो”

लुका 4:16

ओवतेन चू नासरेथ गावमा आव्यु, जा मोटू होयलू होतु; एने आपनी रितीन अनसारे शब्बाथोन दाहळे प्रार्थना घोरमा जायीन भोननेन कोरता उबरोयू.

योहान 18:20

येसु तीनुक जोवाब आप्यू, “मी जोगोमा खुलीन वाते कोयू; मी प्रार्थना घोरोमा एने मंदीरमा, जा आखा यहुदि एखठा होयता-होयता होता, कायम प्रचारुत कोऱ्यु एने डूकायली ओसी कायबी नि कोयू.

प्रेषित 13:14

पीरगा गोथो ओगोव जाईन चे पिसिदियान अन्ताकिया पुग गोया; एने शब्बाथोन दाहळे प्रार्थना घोरमा जायीन बोस गोया.

प्रेषित 13:5

सलमीस पुगीण चे यहुदियान प्रार्थना घोरोमा परमेश्वरोन वचनोन प्रचार कोरनेन चालू कोऱ्या योहान तिंदरू सेवक होतु.

प्रेषित 14:1

ओवतेन ओसो होयो कि इकुनियुममा चे साते-साते यहुदियान प्रार्थना घोरोमा गोया, एने चे इना रितीसी वाते कोऱ्या कि यहुदि एने युनानी दुयो मायीन घोणा सोवटा माणसे भुरसू कोऱ्या.

प्रेषित 17:10

भाश तेत्यारुत रातन रात पौलुस एने सिलास काजे बिरीया मुकली देदा; एने चे चा पुगीण यहुदियान प्रार्थना घोर काजे गोया.

प्रेषित 17:17

आखरी चू प्रार्थना घोरोमा यहुदि एने भोक्ती कोरणे वावासी एने चौकमा जे माणसे जोळता होता तीनु काजे दाहळीन वाद विवाद कोऱ्या कोरतू होतु.

प्रेषित 18:4

चू होर एक शब्बाथोन दाहळे प्रार्थना घोरोमा जोखळाय कोरीन यहुदि एने युनानी काजे बी सोमजाडयु.

प्रेषित 19:8

चे प्रार्थना घोरोमा जायीन तिन मोहना तोक नी बिहीन बुलतू रोयू, एने परमेश्वरोन राज्यान बारामा विवाद कोरतू एने सोमजाडतू रोयु.

प्रेषित 24:25

बाकीन जेतार पौलुस नेकीन आत्मान धीर एने आवने वावा नियावोन बारामा बुल रोयू होतु ती फेलिकस बिही गोयू एने कोयू “इनी टेमे तू जात रोय टेम जोळसे ती मे तुसेक ओवी बुलावीस.”

प्रेषित 28:23

तेत्यार तेरेन कोरता एक दाहळू ठेरावीन घोणा सोवटा माणसे तेरे रोयनेन जागा पोर आव्या परमेश्वरोन राजोन बारामा वारला रितीसी तीनुक सोमजाड्यू एने सोंदारे गोथा सांतोतोक मुसान शास्त्रनियम एने भविष्य कोरतान किताबमा गोथी येसुन बारामा तीनु काजे सोमजाडने कोशिश कोरतू रोयू.

प्रेषित 8:35

तेत्यार फिलीप आपनो मूय उगाळ्यु एने इना पवित्र शास्त्रान सुरवात कोरीन तीनाक येसुन वारली खोबर सोमवाया.

प्रेषित 9:20

“एने चू मामार प्रार्थना घोरमा येसुन प्रचार कोरणे बाज गोयू, युत परमेश्वरोन पुऱ्यु छे.”

1 कुरीन्थियो 15:3

इनान वोजेसी मे आखान पेहेले तुमु काजे चीत वात पुगाळ देदू, जी मारेंचा पुगली होती, कि पवित्र शास्त्रान वचनोन अनसारे मसिह आमरा पापोन कोरता मोर गोयू.