प्रेषित 1:8 - बारेली पावरी

⁸ बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

प्रेषित 1:8 ပူးပေါင်းရင်းမြစ်များ

मत्ती 24:14

एने राज्यान जी वारली खोबर आखा जोगोमा प्रचार कोराये जासे कि आखा जाती पोर गोवायी होये, तेत्यार आखरी आव जासे.

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

मरकुस 16:15

एने येसु तीनु काजे कोयू, “तुमु आखा जोगोमा जायीन आखा कोवीन माणसो काजे वारली खोबरोन प्रचार कोरू.

लुका 1:35

सोरगो दूत तिनी काजे जोवाब आप्यू, पवित्र आत्मा तारे पोर आवसे, एने परमप्रधानोन ताकत तारे पोर सहावू कोरसे; इनान कोरता चू पवित्र जू पोयदा होयने वावू छे, परमेश्वरोन पुऱ्यु कोवायसे.

लुका 10:19

देखू मे तुमु काजे घोळसा एने विछाकाजे छेंदीन एने दुष्मोनोन आखा ताकत पोर होक आपलु छे; एने कानली चीजोसी तुमरो काहीन नुकसान नि होये.

लुका 24:29

बाकीन चे यो कोयीन तीनाक रुक्या, “आमरे साते रोय, काहाकि सांतो होयने बाज रोयो एने दाहळू जादा ढोव गोयलु छे,” तेत्यार चू तिंदरे साते रोयने कोरीन माही गोयू.

योहान 15:27

एने तुमु बी मारा गोवा छे काहाकि तुमु पेहेले गोथा मारे साते रोयला छे.

प्रेषित 1:22

वारू छे कि तिंदरेमा गोथू एक माणूस बाप्तिस्मा आपने वावु योहान आमरे साते तेरे जीव उठनेन गोवा होय जाय.

प्रेषित 1:5

काहाकि योहान ते पाणीमा बाप्तिस्मा आप्यू बाकीन थुलाक दाहळान बादमा तुमु पवित्र आत्मासी बाप्तिस्मा लेसू.

प्रेषित 13:31

एने जे तिंदरे साते गलीली गोथा यरुशलेम आवला होता तीनु पोर घोणा सोवटा दाहळा तोक देखतू गोयू, जे चेत छे हिमी माणसो सामने तेरा गोवा छे.

प्रेषित 2:32

इनात येसुक परमेश्वर जीवाळ्यु जीनाक आमु आखा गोवा छे.

प्रेषित 22:15

काहाकि तू तेरेन कोरता आपना माणसोन सामने तिनी वातोन गोवा बोनीस जो तू देखाळलु छे.

प्रेषित 3:15

बाकीन जीवन आपनेवावा काजे मार देदा, जीना काजे परमेश्वर मोरलामा गोथू जीवाळ्यु जे आमु गोवा छे.

प्रेषित 4:33

प्रेषितोन ताकतसी प्रभू येसुन जीव उठनेन बारामा गोवायी देता रोया, एने तीनु आखापोर मिवीन मोंग कोऱ्या.

प्रेषित 5:32

इनी वातोन गोवा छे तोसोत पवित्र आत्मा बी जीनाक परमेश्वर तीनुक आपलु छे जे तेरी आग्या मानतला छे.

प्रेषित 6:8

स्तेफन दया एने ताकतसी भोराईन मोटा-मोटा अदभूत काम एने चिन्ह देखाळतू होतु.

प्रेषित 8:1

शाउल तेरी मोत सी सहमत होतु, तिने दाहळे यरुशलेमोन मंडवी पोर मोटूत छोळोन सुरवात होय गोयी एने प्रेषितोन काजे छुळीन आखान आखा यहुदिया एने सामरिया देसोमा तितर-बीतर होय गोया.

रोमी 10:18

बाकीन मे कोयो कि काय चे नी सोमव्या? सोमवे ती वारू छे; काहाकि लिखलो छे “तिंदरा आवाजे आखा धोरती पोर एने तिंदरो वचन जोगोन कुपरे तोक पुग गोयला छे.”

रोमी 15:19

एने चिन्ह, एने अदभूत कामोन ताकतसी, एने पवित्र आत्मान ताकतसी मारेत लारे कोऱ्यु; न्या तोक कि मे यरुशलेम सी लीन चारू भूनी इस्लुरीकुम तोक मसिहन वारली खोबरोन पुरू-पुरू प्रचार कोऱ्या.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.