प्रेषित 1:1 - बारेली पावरी

¹ हे थियुफिलुस, मे पेहेली यी किताब तिनी आखी वातोन बारामा लिख्यू जो येसु पेहेले गोथू कोरतू एने सिकाळतू होतु.

प्रेषित 1:1 ပူးပေါင်းရင်းမြစ်များ

मत्ती 11:5

कि आंदवा देखतेला एने लेंगळा चालतला एने फिरतेला, कुळावाक चुखा कोराय जातला एने बेहरा सोमवतेला, मोरलाक जीवता कोराय जातला, एने गोरीबोक वारली खोबर सोमवाळाय जातली.

लुका 1:24

इनू दाहळान ओवतेन तेरी लाडी एलीशिबा भारीस होय गोयी; एने पाच मोहना तोक खुदो काजे यो कोयीन डुकाळीन राखी,

लुका 1:3

इनान कोरता, हे माहाराज थियुफिलुस, मेसेक बी यो वारूत मालूम होयो कि इनी आखी वातोन आखी हाल आखान पेहेलेन खोरो-खोरो तोपास कोरीन, तीना काजे तारे जुगू आकळावारी लिखो.

लुका 14:22

पावोर ओवी कोयू, “मालिक, जोसू तू कोयलु होतु, तोसोत कोरायलो छे; एने ओवी जागा छे.”

लुका 24:19

येसु तीनु काजे पुछु, “कहानली वाते?” चे तीनु काजे कोया, “येसु नासरीन बारामा जू परमेश्वर एने आखा माणसोन साते काम एने वचनमा ताकत भविष्य कोरता होतु,

लुका 3:23

जेतार येसु खुद प्रचार कोरणे बाज गोयू, ती लग-भग तीस सालोन उमोरोन होतु एने (जोसो सोमजाय जातो होतो) युसूफोन पुऱ्यु होतु; एने चु एलीन,

प्रेषित 2:22

हे मारा दोस्त इस्राईल जे वाते सोमवू, कि येसु नासरी माणूस होतु, जेरो परमेश्वरोनचा गोथू होयनेन सोबूत तीना ताकत वावा काम एने मोटला कामोन, एने निशाणीसी देखाळ देदू एने परमेश्वर तुमरे बिचमा तेरे लारे कोरीन देखाळ्यू, जीना काजे तुमु खुद जानतेला छे.