2 तीमथी 2:26 - बारेली पावरी

²⁶ एने तिंदरे लारे तेरी मोर्जी पुरी कोरनेन कोरता खुद पोर आवीन भुतडान फांदमा गोथा छुट जाय.

2 तीमथी 2:26 ပူးပေါင်းရင်းမြစ်များ

लुका 11:21

जेतार ताकतवान माणूस हत्यार लीन तिंदरा घोरोन राखवावी कोरे, ती तेरो धोन वाच जातलो.

लुका 15:17

जेतार चू सुदपोर आव्यु तेत्यार कोयने बाज गोयू, मारा बासोनचा कोतरा दाहळक्या काजे खाणासी बी जादा रुटू जोळतलू, एने मे न्या भूकलू मोर रोयू.

लुका 5:10

एने तोसाच जब्दिन पुऱ्यु याकुब एने तोसोच योहान काजे बी, जे शिमोनोन भागीदार होता, वाहाराय गोया तेत्यार येसु शिमोन काजे कोयू, “मा बिहे; हीमी गोथू तु माणसो काजे धोरणेवावु बोनीस.”

योहान 13:2

जेतार भुतडू शिमोनोन पुऱ्यु यहुदा इस्कारीयोतन मोनोमा यो नाख देदलु होतु कि चू धोरावे, ती खाणो खाणेन टेमे.

योहान 13:27

भूकरु लेतेच भुतडू तीनामा भोराय गोयू तेत्यार येसु तीना काजे कोयू, “जो तू कोयने बाज रोयू, मामार कोर.”

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

प्रेषित 5:3

पतरस कोयू हे हनन्या! भुतडो तारा मोनोमा जी वात काहा नि कोयू कि तू पवित्र आत्माक झूट बुलने एने जागान दामोमा गोथो काहीन निकावीन मेक लेदू.

1 कुरीन्थियो 15:34

धारमिकतान कोरता जाग उठू एने पाप मा कोरू; काहाकि काहनास ओसा छे जे परमेश्वर काजे नी जानतला. मे तुमुक लाजवाडने कोरता यो कोयो.

2 कुरीन्थियो 2:11

कि भुतडान आपनेपोर डाव नी चाले काहाकि आमु तेरे युक्ती सी अनजानला नी होय.

इफिसीयो 5:14

इनान वोजेसी चू कोयतेलु, “हे सुवनेवावा जाग एने मोरलामा गोथा जीव उठ; ती मसिहन विजावो तार पोर चमकसे.”

कुलुस्सि 1:13

चु आमु काजे आंदारलान बंधनमा गोथू छुळावीन आपनु मोंगावा पुऱ्यान राजमा पुगाळ्यु,

1 तीमथी 1:20

हिनुमा गोथू हुमीनुयस एने सिकनदर छे, जीनाक मे भुतडा काजे आप देदलु छे, कि होया परमेश्वरोन बुराई कोरनो नी सिके.

1 तीमथी 3:7

एने बारथे वावामा बी हेरा वारलो नाव होय, ओसो नी होय कि बोढाई होयीन भुतडान फांदामा फोस जाये.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.