25 चू खिलाप काजे नम्रतासी सोमजाडने, काय मालूम परमेश्वर तिंदरा मोन फिरावनेन मोन आपे कि चे बी खोरला काजे उवखे.
मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.
काहाकि योहान धारमिकतान वाट देखाळतू जायीन तुमरेनचा आवलु छे, एने तुमु तेरु भुरसू नी कोऱ्या बाकीन फावू लेणे वावा, वेश्या तेरे पोर भुरसू कोऱ्या एने तुमु यो देखीन ओवतेन बी नी पसतावू कोऱ्या कि तेरु भुरसू कोर लेता.
एने कोयू, “टेम पुरी होय गोयली छे, एने परमेश्वरोन राज साते आव गोयलो छे; मोन फिरावू एने वारली खोबर पोर भुरसू कोरू.”
बाकीन मे आपना बारामा माणसोन गोवायी नि जुवती; ते बी मे जे वाते इनान कोरता कोयो कि तुमु छुटकारू जोळे.
चो जे सोमवीन हुगात रोय गोया एने परमेश्वरोन बोढाई कोरता जायीन कोये बाज गोया तेत्यार ते परमेश्वर दिसरा जाती काजे जीवनोन कोरता मोन फिरावनेन वरदान आपलु छे.
पतरस तीनु काजे कोयू, “मोन फिरावू एने तुमरे मायला आखा आपना-आपना पापोन माफीन कोरीन येसु मसिहन नावसी बाप्तिस्मा लेवू तेतार तुमु पवित्र आत्मान वरदान लेसू.”
नी तेत्यार यहुदिया एने युनानीन गोवायीन आपतू रोयो कि परमेश्वर भूनी मोन फिरावू एने आमरा प्रभू येसु मसिह पोर भुरसू कोरनो जुवे.
चे यो सोमवीन विजावो होयतेत मंदीरमा जायीन प्रचार कोरणे बाज गोया.” तेत्यार महायाजक एने तेरा साती आवीन महासभान एने इस्राईलोन आखा पुढारी एखठा कोऱ्या, एने जेलखानामा कोय मुकल्या कि तीनु काजे लीन आव.
तीना काजे परमेश्वर प्रभू काजे छुटकारू आपन्यु ठेरावीन आपने जेवळे हाते उचू कोर देदू छे, कि चू इस्राईल काजे मोन फिरावनेन ताकत पापोन माफी आप सोके.
इनान कोरता इनी बुराईसी पश्चताप कोरीन प्रभू काजे प्रार्थना कोर होय सोकसे तारा मोनोन विचारोन माफ कोराय जासे.
हे भाशो अगर कुदु माणूस काहना गुणामा धोराय बी जाय ती तुमु जे आत्मिक छे, नम्रता पुठी ओसला काजे सोमावू, एने खुद बी हुशारीमा रोयू कि तुमु बी परीक्षामा नी पोळे.
जो यु चाहतलु कि आखा माणसोन छुटकारू होये एने खोरला काजे वारू रितीसी जान लेये.
पुन हे परमेश्वरोन माणसे, तू इनी वातोनचा गोथू ढास एने धारमिकता, भोक्ती, भुरसू, मोंग, धीर एने नम्रपणान पोछोव पोड.
एने दाहळीन सिकती ते रोयतली छे पुन खोरला वातोनचा लोगुन कोबी नि पुगतली.
पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,
कुदा काजे बोदनाम झुन कोरता, झोगळावा नि जुवे; बाकीन नोरमन स्वभाव जुवे, एने आखा माणसो पुठी, मोटी नम्रता पुठी रोये.
काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.
बाकीन प्रभू येसु मसिह काजे जानीन आपना आपने मोनमा चुखो सोमजू, जू कुदू तुमरेसी तुमरे आसोन बारामा काय पुछे, तीनाक जोवाब आपने कोरता हमेशा तीयार रोयू, बाकीन नम्रता एने बिक साते;
अगर कुदू आपना भाश काजे पाप कोरतेलू देखे, जेरो फोव मोरण नि होय, ती विनता कोरु, एने परमेश्वर तेरेन कोरता, जे असो पाप कोऱ्या जेरो फोव मोरण नि होसे, जीवाय आपसे. ओसलो पाप बी रोये कि तेरो फोव मोरण छे एरा बारामा मे विनता कोरणे नि कोयो.