2 तीमथी 1:13 - बारेली पावरी

¹³ जी ठारलो वात तू मार मुये सोमोवतलु छे तीनाक भुरसू एने मोंग पुठी जे मसिह येसुन मा छे आपनो वारलु बोनीन मेक.

2 तीमथी 1:13 ပူးပေါင်းရင်းမြစ်များ

रोमी 2:20

एने बिन बुद्धी वावाक भोनावनेवावु, एने पुऱ्याक सिकाळन्यू छे. एने ग्यान एने खोरलायीन नमुनु, जो नियमोमा छे मेसेक जुळलो छे. नी अविस्वासी होईन परमेश्वरोन वायदा पोर शंका कोऱ्यु.

रोमी 6:17

बाकीन परमेश्वरोन धन्यवाद होये कि तुमु जे पापोन गुलाम होता हिमी मोनोसी तीना प्रचार मानने वावा होय गोया जिनान विचारोमा चाल रोया होता.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 4:9

जे वाते तुमु मारेसी सिकला छे एने ग्रहण कोरला छे, एने सोमव्या, एने मारेमा देख्या, तिंदरोत पालन कोऱ्या कोरु, तेतार परमेश्वर जु शांतीन झोरु छे, तुमरे साते रोयसे.

कुलुस्सि 1:4

काहाकि आमु सोमवला कि मसिह येसु पोर तुमरू भुरसू छे एने आखा चुखला भाशोसी मोंग राखतला छे,

1 थिस्सलुनीकियो 5:21

आखा वातो काजे पारखू; जी वारली छे तिनाक धोरीन रोयू.

1 तीमथी 1:10

व्यभिचारी, पुरुषगामियों, माणसो काजे वेचने वावू, एने इंदरे जागे खोरलु प्रचारोन आखा खिलाप वावान कोरता ठरावली छे.

1 तीमथी 1:14

एने आपना प्रभून अनुग्रह तिना भुरसान एने मोंग साथे जू मसिह येसुमा छे, घोनो सोवटा सी होयो.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

2 तीमथी 1:1

पौलुसोन तोरोफसी जू, इना जीवनोन वायदू ओनसारे मसिह येसुमा छे परमेश्वरोन मोर्जीसी मसिह येसु प्रेषितोन छे.

2 तीमथी 1:14

इनी पवित्र आत्मान लारे जो आमरेमा बोसलो छे, इना वारला सेवा राखवावी कोर.

2 तीमथी 2:2

एने जे वाते तू लोकेत गोवाय सामने मारेंचा गोथू सोमवतलु छे, तीनुक विश्वासी मोनसी काजे सोप दे; जे दिसरा काजे बी सिकाळनेन लायक छे.

2 तीमथी 3:14

पुन तू हीनु वातो पोर जो तू सिकलू होतु एने भुरसू कोरलु होतु यो जानीन पाकु बोनीन रोय कि तू हीनु कहानला माणसोनचा गोथू सिकलू छे.

2 तीमथी 4:3

काहाकि ओसो टेम आवसे जेतार माणसे खोरलु प्रचार नि सहन कोर सोके, पुन कानटामा खुजलीन वोजेह आपनी लालचन कोरता आपनेन कोरता लोकेत प्रचारक हेरे लेसे.

तीतुस 1:9

एने चू भुरसा वावु एने वचन पर जू धर्मान प्रचारोन अनसारे वातळू रोये कि खोरली शिक्षान प्रचार आप सोके एने दुष्मोनोन मूय बी बंद कोर सोके.

तीतुस 2:1

बाकीन तू ओसला वाते कोया कोर, जे खोरला प्रचारोन लायक छे.

तीतुस 2:8

एने ओसो खोरलो देखायनो जुवे कि कुदू इनाक कोय सके, जिनासी दुष्मोन आमरेपोर काहनु गुणू लागाळने टेमे नि हरीण लाजवाय जाय.

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.

यहुदा 1:3

हे मोंगावा, जेतार मे तुमुक तिना छुटकारान बारामा लिखनेमा जादा मेहनतसी प्रयत्न कोर रोयू होतु जीनामा आमु आखा भागीदार छे, ती मे तुमुक यो सोमजाडनो जोरुरी जान्यू कि तिना भुरसान कोरता पुरो कोयीन कोरु जो चुखला माणसो काजे एकुत कावार सोपाय गोयलो होतो.

प्रकाशित वाक्य 2:25

बाकीन होव, जो तुमरे जुव छे तीनाक मारे आवने तोक रुकीन मेकू.

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

प्रकाशित वाक्य 3:3

इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.