2 थिस्सलुनीकियो 3:10 - बारेली पावरी

¹⁰ काहाकि जेतार आमु तुमरेनचा होता तेत्यार जी आग्या आपता होता कि ओगर कुदू काम नी कोरणे हिंडे ती खाणो बी नि जुळे.

2 थिस्सलुनीकियो 3:10 ပူးပေါင်းရင်းမြစ်များ

लुका 24:44

एने चू तीनुक कोयू, “जी मारी वाते छे, जी मे तुमरे साते रोयीण तुमु काजे कोयलु होतु कि गोरोज छे कि जोतरा वाते मुसान शास्त्राम एने भविष्य कोरतान एने शास्त्रान किताबमा मारा बारामा लिखलो छे चो आखो पुरो होये.”

योहान 16:4

बाकीन जे वाते मे इनान कोरता तुमु काजे कोयू, कि जेतार इंदरी टेम आवे ती तुमुक फोम आव लागे कि मे तुमु काजे पेहेलेत कोय देदलु होतु. “मे पेहेले गोथो तुमु काजे जे वाते इनान कोरता नि कोयू काहाकि मे तुमरे साते होतु.”

प्रेषित 20:18

जेतार चे हेरे साते आव्या ती, चू कोयू, “तुमु जानतला छे कि पेहेले दाहळे गोथो जेतार मे आसियामा पुग्यू, मे आखे टेमे तुमरे साते कानला रितीसी रोयू.”

1 थिस्सलुनीकियो 3:4

काहाकि पेहेलेत, जेतार आमु तुमरेनचा होता, ती तुमु काजे कोया कोरता होता कि आपनु काजे तोकलीत झेलणू पोळसे, एने ओसोत होयलो छे, जोसो कि तुमु काजे मालूम छे.

1 थिस्सलुनीकियो 4:11

एने जोसा आमु तुसेक आग्या आपला छे, तोसोत हुगा रोयने एने आपना-आपना काम-काजे कोरणे एने आपना-आपना हातोसी कोमायनेन कोशिश कोरु;

2 थिस्सलुनीकियो 2:5

काय तुमुक मालूम नि कि जेतार मी तुमरे न्या होता, ती तुमरेसी ये वाते कोया कोरतु होतु.