2 थिस्सलुनीकियो 2:9 - बारेली पावरी

⁹ तिना अधोरमीन आवनो भुतडान कामोन अनसारे आखा रितीसी झुटी ताकत एने निशाणी एने नेवलायन कामो साते,

2 थिस्सलुनीकियो 2:9 ပူးပေါင်းရင်းမြစ်များ

मत्ती 12:22

तेत्यार माणसे एक आंदवा-गुंगा काजे जीनामा भुंडली आत्मा होती, तेरेनचा लाव्या, एने चू तीनाक वारू कोऱ्यु, एने चू बुलने एने देखणे बाज गोयू.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मत्ती 4:10

तेत्यार येसु तीना काजे कोयू, “हे भुतडा नांबे होय जा, काहाकि लिखलो छे, तू प्रभू आपना परमेश्वर काजे नमस्कार कोर, एने निस्तु तेरीत आराधना कोर.”

मरकुस 13:22

काहाकि झुटा मसिह एने झुटा भविष्य कोरता उठीन उबरोय से, एने चिन्हा एने चमत्कारी काम देखाळसे कि ओगर होय सोके ती नेवाळला काजे बी फोसाळ देसे.

लुका 11:25

एने जायीन तीनाक बाहारलो सापसुतरो एने घाटावो देखतेली.

योहान 4:48

येसु तीना काजे कोयू, “जेतार तोक तुमु चमत्कार एने मोटला काम नि देखे तेत्यार तोक कोबी बी भुरसू नि कोरे.”

योहान 8:41

“तुमु आपना बासोन तोसो काम कोरतेला” चे तीनाक कोया, “आमु भुंडला विचारसी नी जोनाया, आमरू एक बास चे मतलब परमेश्वर.”

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

प्रेषित 13:10

“हे आखा कपटी दोगावा एने आखा लुचळा मायला भोरायलु भुतडान पुऱ्या आखा धोरमीन दुष्मोन तू परमेश्वरोन सुदली वाटोक वाको कोरने नि छुळे काय?”

2 कुरीन्थियो 11:14

जी काहीन नोवलायीन वात नी होय काहाकि भुतडू खुद भी तेजस्वी सोरग दूतोन रूप धारण कोरतेलू.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

2 तीमथी 3:8

जोसो कि यन्नेस एने यम्ब्रेस मुसान विरोध कोरला होता, तोसोत यो, बी खोरलान विरोध कोरतेला छे, होया ओसला माणसे छे, जिंदरी बुद्धी खोतम होय गोयली छे, एने होया भुरसान बारामा रिकामा छे.

याकुब 3:15

यो ग्यान चो नि होय जो उपोर गोथो उतरतेलो छे, एने संसारोन, एने शरीरोन, एने भुतडान छे.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 9:11

आखिर कुंडान दूत तिंदरे पोर राजा होतु; तेरो नाव इब्रीमा अबद्दोन, एने युनानीमा अपुल्लयोन छे.