2 थिस्सलुनीकियो 2:16 - बारेली पावरी

¹⁶ आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

2 थिस्सलुनीकियो 2:16 ပူးပေါင်းရင်းမြစ်များ

लुका 16:25

बाकीन अब्राहाम कोयू, हे पुऱ्या, फोम कोर कि तू तारा जीवनोमा वारला चीजे ली लेदलु छे, एने तोसोत लाजर भुंडली चीजे बाकीन हिमी चू या शांतीमा रोयू, एने तू फोपळने बाज रोयू.

योहान 13:1

वोलांडोनोन तीहीवारोन पेहेले, जेतार येसु जान लेदू कि ची टेम आव लागली छे कि जोग छुळीन बासोनचा जायीस, ती आपना माणसे जे जोगोमा होता जोसू मोंग चू कोरतू होतु आखरी तोक तोसुच मोंग कोरतू रोयू.

योहान 15:13

एरे गोथो मोटो मोंग कुदान नि होय कि कुदू आपना दुस्तीदारोन कोरता आपनु जीव आपे.

योहान 15:9

जोसू बास मार पोर मोंग कोरलु, तोसुच मे तुमरे पोर मोंग कोरलु; मारा मोंगमा जुळाय रोयू.

योहान 16:22

तिना रितीसी तुमुक बी हिमी ते दुख छे, बाकीन मे तुमुक ओवी भेटीस एने तुमरा मोने खुशीसी भोराय जासे; एने तुमरी खुशी कुदु तुमरे जुव गोथू हापकी नि लेये.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

प्रेषित 15:11

बाकीन आमुक मालूम छे कि प्रभू येसुन दयामा आमरा छुटकारू होयलु छे जिना रितीसी तिंदरी.”

प्रेषित 18:27

जेतार चू पोछु विचार कोऱ्यु कि पोरले धोळे उतरीन अखाया जाम ती भाशोन हिंमत आपीन चेला काजे लिख्या कि चे तिनान वारला रितीसी मेवे एने चे चा पुगीण तिना माणसोन वारलो देखभाल कोऱ्या जे दयान वोजेसी भुरसू कोरला होता.

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

रोमी 4:16

इनान वोजेसी वायदू भुरसान लारे छे, कि चे दयान रिती पोर कि चे तेरे आखा पीढीन कोरता मजबूत होये, नी ते निस्तु तेरेन कोरता जू शास्त्रनियोम वावू छे; बाकीन तेरेन कोरता बी जू अब्राहाम सारकू भुरसावाला छे, चू आमरा आखान बास छे,

रोमी 4:4

काम कोरणे वावान दाहाळकी तेरो दान नि, बाकीन होक सोमवाय जातलो छे.

रोमी 5:8

बाकीन परमेश्वर आमरेपोर आपना मोंगोन भोलाई इना रितीसी प्रगट कोरतेलू कि जेतार आमु पापीत होता तेत्यार मसिह आमरेन कोरीन मोऱ्यु.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इफिसीयो 5:25

हे माणसो आपनी-आपनी लाडी पोर मोंग कोरु जोसू मसिह बी मंडवी पोर मोंग कोरीन खुदो काजे तेरोन कोरता आप देदू

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 थिस्सलुनीकियो 3:11

हिमी आमरा परमेश्वर एने बास खुदू एने आमरू प्रभू येसु, तुमरेनचा आवनेमा अगवाई कोरे;

2 थिस्सलुनीकियो 2:13

हे भाशो, एने प्रभून मोंगावा माणसो, जुवे कि आमु तुमरा बारामा सदा परमेश्वरोन धन्यवाद कोरता रोयजे, काहाकि परमेश्वर पेहेले गोथू तुमु काजे नेवाळ लेदलु छे कि आत्मान लारे चुखला बोनीन, एने खोरलान तोसोत भुरसू कोरीन छुटकारू जोळे.

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 7:19

काहाकि शास्त्रनियमोन लारे (सिद्धता) पाको नी होयतलो ती दिसरी एने वारली ओसी आस मेकायली छे, जिनान लारे आपु परमेश्वर साते आवतेला.

1 योहान 3:16

आमु मोंग तीना पोरसी जाण्या कि चू आमरेन कोरता तेरु जीव आप देदु एने आमु बी भाशोन कोरता जीव आपनो जुवे.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 22:5

पोछि रात नी होये, एने तिना दिवा एने दाहळान विजावान गोरोज नी रोये, काहाकि प्रभू परमेश्वर हिनुक विजावो आपसे, एने चे कायम राज कोरसे.

प्रकाशित वाक्य 3:9

“देख, मे भुतडान तीनु स्वभाव वावानुक काजे तारा ताबामा कोर दिस जे यहुदि बोनीन बोसला छे, बाकीन होय नी तेत्यार झूट बुलतला छे-देख, मे ओसो कोरिस कि चे आवीन तारा पायो पोर पोळसे, एने यो जान लेसे कि मे तुमरे पोर मोंग कोरलु छे.