2 थिस्सलुनीकियो 2:13 - बारेली पावरी

¹³ हे भाशो, एने प्रभून मोंगावा माणसो, जुवे कि आमु तुमरा बारामा सदा परमेश्वरोन धन्यवाद कोरता रोयजे, काहाकि परमेश्वर पेहेले गोथू तुमु काजे नेवाळ लेदलु छे कि आत्मान लारे चुखला बोनीन, एने खोरलान तोसोत भुरसू कोरीन छुटकारू जोळे.

2 थिस्सलुनीकियो 2:13 ပူးပေါင်းရင်းမြစ်များ

लुका 1:75

तेरे सामने पवित्र एने धोरमीसी उमोर भोर मजबूत रोयीन तेरी सेवा कोरता रोयजे

योहान 1:1

आखान पेहेल वचन होतो, एने वचन परमेश्वर साते होतो, एने वचन परमेश्वर होतु.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

प्रेषित 13:48

जेतार दिसरा जाती वचन सोमव्या ती चे खुशी कोरतेला जायीन प्रभून वचनोन स्तुती कोरणे बाज गोया एने जोतरा ओमोर जीवनोन कोरता ठेराव गोयला होता, चे भुरसू कोऱ्या.

प्रेषित 15:9

इना रितीसी विस्वासोन लारे तिंदरा मोन चुखा कोरीन आमरेमा एने तेरेमा काय अंतर नि मेक्यू.

रोमी 6:17

बाकीन परमेश्वरोन धन्यवाद होये कि तुमु जे पापोन गुलाम होता हिमी मोनोसी तीना प्रचार मानने वावा होय गोया जिनान विचारोमा चाल रोया होता.

रोमी 8:33

परमेश्वरोन नेवाळला पोर गुणू कून लागाळे? परमेश्वर छे जू तीनुक धोरमी ठेरावने वावू छे.

रोमी 9:11

हिमी तोक नी पुऱ्या पोयदा होयला होता, एने नी चे वारलो एने भून्डो कोरला होता; इनान कोरता कि परमेश्वरोन योजना तेरे नेवाळ लेणेन अनसारे छे.

1 कुरीन्थियो 1:21

काहाकि जेतार परमेश्वरोन ग्यानोन अनसारे जोगोन ग्यानसी परमेश्वर काजे नी जान्यो, ती परमेश्वर काजे यो वारू लाग्यो कि इना प्रचारोन बिना दिमाकोन लारे भुरसू कोरणे वावा काजे छुटकारू आपे.

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.

इफिसीयो 2:8

काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

1 थिस्सलुनीकियो 1:4

हे भाशो परमेश्वरोन मोंगावा माणसे, आमुक मालूम छे कि तुमु नेवाळलान छे.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

1 थिस्सलुनीकियो 4:7

काहाकि परमेश्वर आमु काजे भुंडला होयनेन कोरता नि बाकीन चुखला होयनेन कोरता बुलावलु छे.

1 थिस्सलुनीकियो 5:9

काहाकि परमेश्वर आपनुक रीसोन कोरता नि, बाकीन एरेन कोरता ठोरावला छे कि आमु खुद प्रभू येसु मसिहन लारे छुटकारू हासील कोरे.

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

2 थिस्सलुनीकियो 2:10

एने नाश होयने वावान कोरता अधोरमोन आखा रितीन धोका साते होयसे; काहाकि चू खोरला पुठी मोंग नि कोऱ्यु जिनासी तेरु छुटकारू होयतलु.

2 थिस्सलुनीकियो 2:12

काहाकि जोतरा माणसे खोरलान तोसो नि कोरतेला, बाकीन अधोरमीसी खुश होयतला छे, चे आखा दोंड भोरसे.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

2 तीमथी 2:15

खुदो काजे परमेश्वरोक स्वीकार कोरनेन लायक एने ओसा कामे कोरने वावू ठेरावनेन कोशिश कोरतेला जू लोजित नी होये एने जुवे खोरला वचन काजे वारला रितीसी काममा लावतलु.

2 तीमथी 3:15

एने बचपनसी नियम शास्त्र तारो जानलो छे, जो तुसेक येसु मसिह पर भुरसू कोरनेसी छुटकारू हासील कोरनेन कोरता बुद्धिमान बोनाव सोकतलु छे.

इब्रानियो 1:10

एने, “हे प्रभू पेहेले तुत धोरतीन पायु घाल्यू एने सोरग तारात हातोन कारागीरी छे.”

याकुब 1:18

हेरी मोर्जीसी आमुक खोरो वचनोन लारे पोयदा कोऱ्यु काहाकि आमु तेरी बोनावला चीजो पोर से एक भातीन पेहलु फोव छे.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

1 योहान 4:19

आमु इनान कोरता मोंग कोरतेला, कि पेहेले चू आमरेपोर मोंग कोऱ्यु.