2 थिस्सलुनीकियो 2:10 - बारेली पावरी

¹⁰ एने नाश होयने वावान कोरता अधोरमोन आखा रितीन धोका साते होयसे; काहाकि चू खोरला पुठी मोंग नि कोऱ्यु जिनासी तेरु छुटकारू होयतलु.

2 थिस्सलुनीकियो 2:10 ပူးပေါင်းရင်းမြစ်များ

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

योहान 3:17

परमेश्वर तेरा पुऱ्या काजे जोगोमा इनान कोरता नि मूकल्यु कि जोगो पोर दोंडोन आग्या आपे बाकीन एरेन कोरता कि कोवजुग तेरे लारे छुटकारू ली लेये,

योहान 5:34

बाकीन मे आपना बारामा माणसोन गोवायी नि जुवती; ते बी मे जे वाते इनान कोरता कोयो कि तुमु छुटकारू जोळे.

रोमी 10:1

हे भाशो मारा मोनोन मोर्जी एने तिंदरेन कोरता परमेश्वरोनचा मारी प्रार्थना छे कि चे छुटकारू लेये.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

रोमी 6:17

बाकीन परमेश्वरोन धन्यवाद होये कि तुमु जे पापोन गुलाम होता हिमी मोनोसी तीना प्रचार मानने वावा होय गोया जिनान विचारोमा चाल रोया होता.

1 कुरीन्थियो 1:18

काहाकि ख्रुसोन काहणी नाश होयने वावान कोरता बिना दिमाकोन छे, बाकीन आपनु छुटकारू आपनेवावान कोरीन परमेश्वरोन ताकत छे.

1 कुरीन्थियो 16:22

कोदि कुदु प्रभूसी मोंग नी राखे ती चू शापित होये. हे आमरा प्रभू, आव.

2 कुरीन्थियो 11:13

काहाकि ओसा माणसे झुटा प्रेषित, एने तोकलीत पुठी काम कोरणे वावा एने मसिहन प्रेषितोन रूप कोरणे वावा छे.

2 कुरीन्थियो 11:15

इनान कोरता तेरा सेवक भी धोरमान सेवकोन सारखो रूप लेये, ती काय मोटी वात नी होय, बाकीन तिंदरो आखरी तिंदरा कामोन अनसारे होयसे.

2 कुरीन्थियो 2:15

काहाकि आपु परमेश्वर साते छुटकारू कोरणे वावा एने नाश होयने वावा दुयोन कोरता मसिह गोंद छे.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

1 थिस्सलुनीकियो 2:16

एने चे दिसरा जातीसी तिंदरू छुटकारान कोरता वाते कोरणेसी आमुक रुके कि कायम आपना पापोन माप भोरता रोये; पुन तीनु पोर परमेश्वरोन घोन मोटू दोंड आवतेलु छे.

2 थिस्सलुनीकियो 2:12

काहाकि जोतरा माणसे खोरलान तोसो नि कोरतेला, बाकीन अधोरमीसी खुश होयतला छे, चे आखा दोंड भोरसे.

2 थिस्सलुनीकियो 2:13

हे भाशो, एने प्रभून मोंगावा माणसो, जुवे कि आमु तुमरा बारामा सदा परमेश्वरोन धन्यवाद कोरता रोयजे, काहाकि परमेश्वर पेहेले गोथू तुमु काजे नेवाळ लेदलु छे कि आत्मान लारे चुखला बोनीन, एने खोरलान तोसोत भुरसू कोरीन छुटकारू जोळे.

1 तीमथी 2:4

जो यु चाहतलु कि आखा माणसोन छुटकारू होये एने खोरला काजे वारू रितीसी जान लेये.

इब्रानियो 3:13

बाकीन जीन दाहळे तोक आजून दाहळू कोवायतलु तुमु दाहळीन एक दिसरा काजे प्रोत्साहित कोरु, कोदि ओसो नी होये कि तुमरेमा गोथू काहनुस माणूस पापोन बेहकावामा आवीन वातळा होय जाय.

2 पतरस 2:12

बाकीन जे माणसे बिना दिमाकोन जोनावर सारखा छे, जे धोराय जाणे एने नाश होयनेन कोरता पोयदा होयला छे; एने जिना वातो काजे उवेखतला नि तिंदरा बारामा दिसरा काजे वारलो भुंडलो कोयतेला छे चे आपनी सोळलामा खुद सोळ जासे.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.