2 थिस्सलुनीकियो 2:1 - बारेली पावरी

¹ हे भाशो, हिमी आपनु आपना प्रभू येसु मसिहन आवनेन एने तिंदरे साते आमरा एखठा होयनेन बारामा तुमु काजे विनता कोरतेला छे.

2 थिस्सलुनीकियो 2:1 ပူးပေါင်းရင်းမြစ်များ

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 16:28

मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.

मत्ती 24:31

चू फेपाऱ्यान मोटात आवाजमा आपना सोरग दूतो काजे मुकलसे, एने चे सोरगोमा इने धोळे गोथा पोल धोळे तोक चारू दिशामा गोथा नेवाळला काजे एखठा कोरसे.

मत्ती 25:32

एने आखा देसोन माणसे तेरे ओगोव एखठा कोरायसे, एने जोसो राखवाव गाडरा काजे बुकळामा गोथू ओलोग कोरतेलू, तोसोत चू तीनुक एक दिसराक ओलोग कोरसे.

मरकुस 13:27

तिनी टेमे चु आपना सोरग दूतो काजे मुकलीन, धोरतीन इनी धोळे गोथो सोरगोन पोल धोळे तोक, चारू धोळे गोथा आपना नेवाळला माणसो काजे एखठा कोरसे.

रोमी 12:1

इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

इफिसीयो 1:10

कि टेमोन पुरो होयने पोर जो काय सोरगोमा एने धोरती पोर आखो काय चो मसिहमा एखठा कोरे.

1 थिस्सलुनीकियो 2:19

वारलो आमरी आस एने खुशी एने बोढाईन मुकुट काय छे? काय आमरा प्रभू येसुन सामने तेरो आवनेन टेमे तुमु बी रोये.

1 थिस्सलुनीकियो 3:13

काहाकि चू तुमरा मोनो काजे ओसू पाकु कोरे कि जेतार आमरू प्रभू येसु आपना आखा चुखला माणसो साते आवे, ती चे आमरा परमेश्वर एने बासो सामने चुखलामा निरदोष ठेराये.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

2 तीमथी 4:1

परमेश्वर एने मसिह येसु काजे गोवायी मानीन जो जीवतलो एने मोरलान वियाव कोरसे, एने हिंदरो प्रकट होयने एने राज्यान सुधी आपीन मी तुसेक आदेश आपो.