2 थिस्सलुनीकियो 1:9 - बारेली पावरी

⁹ चे प्रभून अगोव गोथा एने तेरी ताकतोन तेरा जोस सी नांबे होईन ओमोरकाईन विनाशोन दोंड जोळसे.

2 थिस्सलुनीकियो 1:9 ပူးပေါင်းရင်းမြစ်များ

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 22:13

तेत्यार राजा तेरा सेवक काजे कोयू, “तेरा हात पाय बांधिन तीनाक बारथे आंदारलामा नाख देवू, जा रोडणो एने दात कोकळावनो रोयसे,

मत्ती 24:30

तेत्यार माणसोन पुऱ्यान चिन्ह सोरगोमा देखायसे, एने तेत्यार धोरतीन आखा जातीन माणसे छाती ठुकसे; एने माणसोन पुऱ्याक मोटो ताकतसी महिमा पुठी सोरगोन वादवोपोर आवतेलु देखसे.

मत्ती 25:41

“तेत्यार चू डाखऱ्या धोळे वावा काजे कोयसे, ‘हे शापित माणसो मारे ओगोव गोथा तिना ओमोरकाईन आगठामा जात रोयू जो भुतडान एने तेरा दूतोन कोरता तीयार कोरलो छे,

मत्ती 25:46

एने जे ओमोरकाई दोंड भुगसे, बाकीन धोरमी ओमोर जीवनोमा जासे.’”

मत्ती 26:24

माणसोन पुऱ्यु ते जोसो तेरे बारामा लिखलो छे, जातलु छे; बाकीन तिना माणसोन कोरीन दुख छे जिनान लारे माणसोन पुऱ्यु धोराय जातलू छे; अगर तिना माणसोन जन्मो नि होयतो, तेरेन कोरता वारलो होयतो”

मत्ती 7:23

तेत्यार मे तीनु काजे खुलीन कोय दिस, मे तुमु काजे कोबी नि उवेखतलु, हे भुंडला कामे कोरणे वावा, मारेनचा गोथा जात रोयू.

लुका 13:27

बाकीन चू कोयसे, “मे तुमु काजे कोयो, मे नि उवेखतलु तुमु का गोथा छे हे अधोरमोन कामे कोरणे वावा तुमु आखा मारेंचा गोथा छेटा होयू.”

योहान 5:14

इनी वातोन ओवतेन चू येसु काजे मंदीरमा मेव्यू येसु तिना काजे कोयू, “देख, तू वारू होय गोयलु छे एने पाप झुन कोरतू, ओसो नी होये कि इनासी काहनली भारी तोकलीत तार पोर आव पोळे.”

फिलिप्पि 3:19

तिंदरो आखरी नाश छे एने धोरतीन चीजो पोर मोन लागाळला रोयतला छे.

1 थिस्सलुनीकियो 5:3

जेतार माणसे कोयता होसे, “वारलो छे, एने काय बिक नि होय,” तिंदरे पोर एका पोछोव एक नाश आवीन लागसे, जिना रितिसी भारीस बायोर पोर दुख; एने चे कानला रितीसी नि वाचसे;

2 थिस्सलुनीकियो 2:8

तेत्यार चू अधोरमी प्रगट होयसे, जीनाक प्रभू येसु तेरा मुयोसी फुकिन मार नाखसे, एने तेरा आवनेन तेजोसी भस्म कोरसे.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 10:29

ती तुमु विचार कोरु कि चू माणूस एने बी कोतरा मुशकीलोन दोंडोन भागीदार होयसे, जू परमेश्वरोन पुऱ्या काजे पाये कोरीन रोंदव्या एने वायदान लुय काजे जिनान लारे चू चुखला ठेराय गोयू, अपवित्र सोमव्या एने दयान आत्मान अपमान कोऱ्या.

2 पतरस 2:17

जे माणसे सुकला कुवा, एने आंजीन उढावलो वादवो छे; तिंदरेन कोरता आखरी तोक आंदारो ठोराव देतला छे.

2 पतरस 3:7

बाकीन चाळ कुदान सोरगोन एने कोवीन तिना वचनोन लारे इनान कोरता मेक देदला छे कि धोपाळ देय; एने जे अधोरमी माणसोन न्याय एने नाश होयनेन दाहळे तोक ओसात मेक रोयसे.

यहुदा 1:13

ये दोरीयान जादा झेलके छे, जो आपनी लाजोन फेन उछावतेला छे; जे चोमोकने वावा तारा छे, जिंदरेन कोरता हमेशान कोरता आंदारो मेकाय गोयलो छे.

प्रकाशित वाक्य 20:11

एने मे एक मोटलु धोव्वु सिहासन एने तिना काजे, यु तिना पोर बोस रोयू, हेरे सामने सी कोवी एने वादवो वाटाय गोया, एने हिंदरेन कोरता जागा नि जोडी.

प्रकाशित वाक्य 20:14

मोरनो एने अधोलोक बी माणसे आगठान झीलमा घालाय गोया जो आगठान झील दुसरो मोरोन छे;

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.