2 थिस्सलुनीकियो 1:5 - बारेली पावरी

⁵ यो परमेश्वरोन खोरला नियावन सबूत छे कि तुमु परमेश्वरोन राजोन कोरता खोरला ठोरु जिनान कोरता तुमु दुख बी उठावतला.

2 थिस्सलुनीकियो 1:5 ပူးပေါင်းရင်းမြစ်များ

लुका 20:35

बाकीन जे माणसे एरे लायक ठेरायसे कि, इना संसारमा एने मोरला माईन जीव उठने ली लेये, चे नि नियाव कोरे एने नि वियाव कोरसे.

लुका 21:36

इनान कोरता जागता रोयू एने होर एक टेमे प्रार्थनामा रोयू कि तुमु इना आखी आवने वावी घोटनामा गोथू वाचने एने माणसोन पुऱ्या सामने उभू रोयनेन लायक बोनो.

प्रेषित 13:46

तेत्यार पौलुस एने बरनाबास हिंमतसी कोया, “यो होयनोत होतो कि परमेश्वरोन वचन पेहेले तुमु काजे सोमवाळ देता बाकीन इनान कोरता कि तुमु तेरी नि सोमवतला एने आपना खुदो काजे ओमोर जीवनोन जाणेन लायकी नी कोरतेला ती आमु दिसरा देसोमा जाता होता.”

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

रोमी 2:5

बाकीन तू आपनी रीसोमा एने होट्टी मोनोन वोजेसी तेरा रीसोन दाहळान कोरता, जीनामा परमेश्वरोन खोरलो न्याय प्रगट होयसे, तेरेन कोरता रीस कोमाय रोयू.

रोमी 8:17

एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

फिलिप्पि 1:28

एने कानलीत वातोमा विरोधीसी बिक नी लागतलो, यो तिंदरेन कोरता छुटकारान एने यो परमेश्वर तोरोफसी छे.

कुलुस्सि 1:12

एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

1 थिस्सलुनीकियो 2:14

इनान कोरता तुमु, हे भाशो, परमेश्वरोन मंडवीन तोसी चाल चालने बाज गोया जे यहुदिमा मसिह येसुमा छे, काहाकि तुमु बी तुमरा माणसोनचा गोथा दुख झेलला छे, जोसा चे यहुदिनचा गोथा लेदला छे.

2 थिस्सलुनीकियो 1:11

इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

2 तीमथी 2:12

अगर आमु धीरोज धोरीन रोयता रोयजू ती तेरे साथे राज बी कोरसु अगर आमु तेरु इनकार कोरतेलू ती चू भी आमु इनकार कोरतू चू भी आमु इनकार कोरसे.

प्रकाशित वाक्य 15:4

हे प्रभू, कून तुसे काजे नि बिहे एने तारा नावोन महिमा नि कोर? काहाकि निस्तु तूत चुखलु छे आखा जात्या उठीन तेरे ओगोव नोमोन कोरसे, काहाकि तारा नियावोन काम आव लागलो छे.

प्रकाशित वाक्य 16:7

पोछु मे वेदी सी यो बुल सोमव्यू, “होव, हे आखा गोथू ताकत वावा प्रभू परमेश्वर, तारू फेसलू ठीक एने खोरलू छे.”

प्रकाशित वाक्य 19:2

काहाकि हेरा फेसलू खोरलु एने ठीक छे. चू तिनी मोटली वेश्यान, जी आपना व्यभिचारसी कोवी काजे भ्रष्ट कोरती होती, नियाव कोऱ्यु एने तेरे जुव गोथू आपना दासोन लुयोन बोदलु लेदलु छे.”

प्रकाशित वाक्य 3:4

बाकीन होव, सर्दीसमा तारेनचा कहनास ओसा माणसे छे, चे तिंदरा-तिंदरा छिंदरा विटोव नी कोऱ्या, चे धोव्वा छिंदरा पेहेरीन मारे साते हिंडसे, काहा जे इनान लायक छे.