2 थिस्सलुनीकियो 1:4 - बारेली पावरी

⁴ या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.

2 थिस्सलुनीकियो 1:4 ပူးပေါင်းရင်းမြစ်များ

रोमी 12:12

आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 8:25

बाकीन जिना चीजो काजे आमु नी देखतला एने तेरी आस राखतेला ती धीर धोरीन तेरी वाट बी जुवे.

1 कुरीन्थियो 7:17

जोसू प्रभू होर एक काजे वाटलु छे, एने जोसू परमेश्वर होर एक काजे बुलावलु छे, तोसत चू चाले एने मे आखा मंडव्यामा ओसुत गीनायतेलु छे.

2 कुरीन्थियो 12:10

इनान वोजेसी मे मसिहन कोरता कोम ताकत वावामा, एने बुराईमा, एने गोरबायमा, एने उपद्रोव मा, एने तोकलीतमा खुश छे; काहाकि जेतार मे कोमजुर होयतलु छे तेत्यार ताकत वावू होयतलु छे.

2 कुरीन्थियो 7:14

काहाकि ओगर मे तेरे सामने तुमरे बारामा काहीन मोटायकी कोऱ्यु ती लाजवायलु नि बाकीन जोसो आमु तुमु काजे आखी वाते आखो छाचलीन छाचलीन कोय देदलु होतु, तोसोच आमरो मोटायकी देखाळने, तीतुसोन ओगोव बी खोरलो निकव्यो,

2 कुरीन्थियो 7:4

मे तुमु काजे जुदु हिंमतसी कोय रोयू, मेसे काजे तुमरे पोर जुदो घोमंड छे; मे शांतीसी मोर गोयलु छे आपना आखा खुदोमा खुशीसी जादा मेवायलु रोयतेलु छे.

2 कुरीन्थियो 9:2

काहाकि मेसेक तुमरा मोनोन तीयारी मालूम छे, कि जिनान वजेसी तुमरे बारामा मकीदुनीयान निवासीन सामने घोमंड देखला कि अखायान माणसे एक साल गोथा तीयार होयला छे, एने तुमरी खुशीसी एने घोना सोवटा काजे तीयार कोऱ्या.

2 कुरीन्थियो 9:4

ओसो नि होयो कि ओगर कुदू माणूस मकीदुनीया मायलु मारे साते आवे एने तुमु काजे तीयारीमा नि देखे, ती होय सोके कि इना भुरसान वजेसी आमु (यो नि कोयता कि तुमु) लाजवाय जाय.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 थिस्सलुनीकियो 2:14

इनान कोरता तुमु, हे भाशो, परमेश्वरोन मंडवीन तोसी चाल चालने बाज गोया जे यहुदिमा मसिह येसुमा छे, काहाकि तुमु बी तुमरा माणसोनचा गोथा दुख झेलला छे, जोसा चे यहुदिनचा गोथा लेदला छे.

1 थिस्सलुनीकियो 2:19

वारलो आमरी आस एने खुशी एने बोढाईन मुकुट काय छे? काय आमरा प्रभू येसुन सामने तेरो आवनेन टेमे तुमु बी रोये.

2 थिस्सलुनीकियो 3:5

परमेश्वरोन मोंग एने मसिहन धीर एने प्रभू तुमरे मोनमा ओगवाई कोरे.

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

इब्रानियो 6:12

जीनासी कि तुमु उजगायला मा बोनु बाकीन तेरो अनुकरण कोरुजू भुरसू एने धीरजोन लारे बासोन वायदान पुऱ्या होये.

इब्रानियो 6:15

एने इना रितीसी धीर धोरीन वाट जुवीन चू वायदू ली लेदू,

याकुब 5:11

देखू आपु धीर धोरणेन वावा काजे सोयावा कोयतेला छे तुमु अय्युब धीरोन बारामा ते सोमवला छे, एने प्रभूनचा गोथो जू तेरो प्रतीफोव होयलो तिनाक भी जान लेदला छे, तेरेसी मसिहन घोन मोटी दोया एने मोंग प्रकट होयली छे.

2 पतरस 1:6

एने सोमज पोर संयम, एने संयम पोर धीर, एने धीरो पोर भोक्ती.

प्रकाशित वाक्य 14:12

चुखला माणसोन धीर इनाम छे, जो परमेश्वरोन आग्याणु काजे मानतला एने येसु पोर भुरसू कोरतेला छे.