2 थिस्सलुनीकियो 1:12 - बारेली पावरी

¹² काहाकि आमरू परमेश्वर एने प्रभू येसुन मसिहन दयान अनसारे आमरा प्रभू येसुन नाव तुमरेमा महिमा आपे एने तुमु तीनामा.

2 थिस्सलुनीकियो 1:12 ပူးပေါင်းရင်းမြစ်များ

योहान 17:10

एने जो काहीन मारो छे चो आखो तारो छे, एने जो तारो छे चो मारो छे, एने इनासी मारी महिमा देखायली छे.

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

1 कुरीन्थियो 1:4

मे तुमरा बारामा आपना परमेश्वरोन धन्यवाद हमेशा कोरतेलू, इनान कोरता कि परमेश्वरोन दया तुमरे पोर मसिह येसुमा होये,

2 कुरीन्थियो 13:4

चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.

तीतुस 2:11

कि परमेश्वरोन दया प्रगट छे, जो आखा माणसोन छुटकारान वोजा छे,

1 पतरस 4:14

ओगर मसिहन नावोन वोजेसी तुमरी बुराई कोराय जातली छे, ती तुमु सोयावा छे, काहाकि महिमान आत्मा, जू परमेश्वरोन आत्मा छे, तुमरेमा आव्या कोरतेलू छे.

प्रकाशित वाक्य 1:4

योहान जू गोथो आसियान सात मंडव्यान नाव, तेरेनचा गोथु दया एने शांती जुळे, जू छे एने जू होतो एने जू आवने वावू छे; एने तीनु सात आत्मा जुव गोथो जो हेरा सिहासनोन ओगोव छे,