2 थिस्सलुनीकियो 1:11 - बारेली पावरी

¹¹ इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

2 थिस्सलुनीकियो 1:11 ပူးပေါင်းရင်းမြစ်များ

मरकुस 4:28

धोरती आपेआप फोव लावतेली, पेहेले डीरु, ओवतेन कोनसे एने ओवतेन कोनसोमा तीयार दाणा.

लुका 12:32

“हे नानला टूवा, मा बिहे, काहाकि तुमरा बासो काजे यो गोवलो छे, कि तुमुक राज आपे.

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 11:29

काहाकि परमेश्वरोन वरदान एने बुलावणो पाको छे.

रोमी 15:14

हे मारा भाशो, मे खुद तारा बारामा जरूर मालूम छे कि तुमु बी खुद भोलाई सी भोरू एने परमेश्वरोन ग्यानसी घोणा सोवटा होये इनीक दिसरा काजे जोताळ सोकतेला.

रोमी 8:30

एने जीनाक चू पेहेलेसी ठेराव्यू तीनुक बुलाव्यू बी, एने जीनुक बुलाव्यू तीनुक धोरमी बी ठेराव्यू एने जीनाक धोरमी ठेराव्यू तीनुक महिमा बी आप्यू.

1 कुरीन्थियो 1:8

चू तुमुक आखरी तोक पाकु बी कोरसे कि तुमु आमरा प्रभू येसु मसिह दाहळामा गुणावावा नि गीनाये.

इफिसीयो 1:16

तुमरेन कोरता धन्यवाद कोरनो नी छुळतलु एने आपनी प्रार्थनामा तुमुक फोम कोऱ्या कोरतेलू.

इफिसीयो 1:5

एने आपनी मोर्जीन वारला विचार आपनुक तेरे पेहेले नेवाळ्यू कि येसु मसिह लारे आपनु तेरा सेवेत्र्या पुऱ्या छे.

इफिसीयो 1:9

काहाकि चू आपना मोर्जीन भेद तिना वारला विचार एरे अनसारे आमु काजे देखाळ्यू जीनासी चू आपना खुदोमा विचार कोऱ्यु.

फिलिप्पि 1:6

मेसेक इनी वातोन भुरसू छे कि जू तुमरे पुठी वारला कामो काजे चालु कोरलु छे, चू तीना काजे येसु मसिहन दाहळा तोक पुरा कोरसे.

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

फिलिप्पि 3:14

निशाणी भूनी जाया कोरो काहाकि चो इनाम लेये जिनान कोरता परमेश्वर मेसे काजे मसिह येसुमा उपोर बुलावलो छे.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

2 थिस्सलुनीकियो 1:5

यो परमेश्वरोन खोरला नियावन सबूत छे कि तुमु परमेश्वरोन राजोन कोरता खोरला ठोरु जिनान कोरता तुमु दुख बी उठावतला.

2 थिस्सलुनीकियो 2:14

जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

प्रकाशित वाक्य 3:4

बाकीन होव, सर्दीसमा तारेनचा कहनास ओसा माणसे छे, चे तिंदरा-तिंदरा छिंदरा विटोव नी कोऱ्या, चे धोव्वा छिंदरा पेहेरीन मारे साते हिंडसे, काहा जे इनान लायक छे.

प्रकाशित वाक्य 5:10

एने तीनुक आमरा परमेश्वरोन कोरता एक राज एने पुजारू बोनाव्यू; एने चे कोवी पोर राज कोरतेला छे.”