2 पतरस 3:9 - बारेली पावरी

⁹ प्रभू आपना वायदान बारामा वार नि लागतलु, जोसी वार कानलाक माणसे सोमजतला छे; बाकीन तुमरा बारामा धीर धोरतलु छे एने नि जुवे कि कुदू नाश होय जाय, नि तेत्यार यो कि आखा काजे मोन फिरावनेन टेम जोळे.

2 पतरस 3:9 ပူးပေါင်းရင်းမြစ်များ

रोमी 13:11

टेमो काजे पारखीन ओसात कोरता रोयू कि तुमरेन कोरता निंदोमा गोथी जाग उठनेन घोळी आवीन पुग गोयली छे; काहाकि जिनी टेमे आपनो भुरसू कोरता होता, तिनी टेमोन विचारोसी हिमी आमरू छुटकारू साते छे.

रोमी 13:12

रात लोकेत होय गोयली छे, एने दाहळू निकवनेत वावू छे; इनान कोरता आपनु आंदारलान कामो काजे छुळीन विजावान हत्यार बांध लेवू.

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

रोमी 9:22

जी इनामा काहनली नोवलाय वात छे कि परमेश्वर आपनो रीस देखाळने एने आपनी ताकत देखाळनेन मोर्जीसी रीसोन ठाहरा काजे जे नाशोन कोरता तीयार कोरीन बोनावला होता जुवे धीर धोरीन सोहोन कोरे;

1 तीमथी 1:16

पुन मार पोर इनान कोरता दया होई कि मारेन तोसलू आखान मोटू पापीमा येसु मसिह तेरी पुरी सोहोन कोरणे वावू देखाळे, कि जे माणसे हिनापोर ओमोर जीवनोन कोरता भुरसू कोरसे हिंदरेन कोरता मे एक नमुना बोनो.

1 तीमथी 2:4

जो यु चाहतलु कि आखा माणसोन छुटकारू होये एने खोरला काजे वारू रितीसी जान लेये.

इब्रानियो 10:37

काहाकि हिमी थुलिक वारमा आवने वावू, आवसे एने वार नी लागाळे.

1 पतरस 3:20

जो तीने टेमे आग्या नि मान्या, जेतार परमेश्वर नुहान दाहळामा धीर धोरीन रोयू एने चू ढोंड्यो बोनावतू होतु, तिनाम बोठीन थुलाक माणसे मतलब आठ जनावरे पाणीन लारे वाच गोया.

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.

2 पतरस 3:15

एने आमरा प्रभून धीरोज काजे छुटकारू सोमजू, जोसू आमरू मोंगावा भाश पौलुस बी तिना ग्यानोन ओनसारे जो तीनुक जोळलो छे, तुमुक लिखलो छे.

प्रकाशित वाक्य 2:21

मे हिनी काजे मोन फिरावनेन कोरीन टेम आप्यू, बाकीन ची तेरा व्यभिचारसी मोन फिरावने नी कोरे.