7 बाकीन चाळ कुदान सोरगोन एने कोवीन तिना वचनोन लारे इनान कोरता मेक देदला छे कि धोपाळ देय; एने जे अधोरमी माणसोन न्याय एने नाश होयनेन दाहळे तोक ओसात मेक रोयसे.
मे तुमु काजे छाचलीन कोयो कि नियावोन दाहळे तिना सोहोरोन हालोत सदोम एने गोमोरा सोहोरोन हालोत जादा सोचणेन कोरता रोयसे.
बाकीन मे तुमु काजे कोयो कि नियावोन दाहळे तुमरी हालत सोर एने सिदोन गोथी बी जादा सोहनेन लायक होयसे.
बाकीन मे तुमु काजे कोयो कि नियावोन दाहळे तेरी हालोत सदोमोन हालोत गोथी जादा सोहोनेन लायक होयसे.
एने तुमु काजे कोयो कि जे-जे रिकामा वाते माणसे कोयसे, नियावोन दाहळे हर एक तिनी वातोन हिसाब आपसे.
सोरग एने धोरती टोव जासे, बाकीन मारी वाते कोबी नी टोवे.
“तेत्यार चू डाखऱ्या धोळे वावा काजे कोयसे, ‘हे शापित माणसो मारे ओगोव गोथा तिना ओमोरकाईन आगठामा जात रोयू जो भुतडान एने तेरा दूतोन कोरता तीयार कोरलो छे,
जिने जागे माणसे तुमरो स्वीकार नी कोरे एने तुमरो नि सोमवे, चा जाताच आपना पायोन छोयळू झोटकी देयू कि तीनु पोर गोवा होये.”
जू मेसेक वीटवलु माणसे एने मारा वातोन भुरसू नि कोरतेलू तीनाक गुणावू ठेरावने वावू ते एक छे मतलब जो वचन मे कोयलु छे, चोत ओगला दाहळामा तीनाक गुणावू ठेरावसे.
बाकीन तू आपनी रीसोमा एने होट्टी मोनोन वोजेसी तेरा रीसोन दाहळान कोरता, जीनामा परमेश्वरोन खोरलो न्याय प्रगट होयसे, तेरेन कोरता रीस कोमाय रोयू.
ती होर एक काम देखाय जासे; काहाकि चू दाहळू तीनाक देखाळसे, इनान कोरता कि आगठा साते देखायसे एने चो आगठो होर एक काम पारखसे कि कोसो छे.
एने कानलीत वातोमा विरोधीसी बिक नी लागतलो, यो तिंदरेन कोरता छुटकारान एने यो परमेश्वर तोरोफसी छे.
काहना रितीसी, कुदान धोकामा नि आवनो काहाकि चू दाहळू नि आवे जा तोक धोरमोन त्याग नि होये, एने चू अधोरमी माणूस मतलब नाशोन पुऱ्यु प्रगट नि होये.
पुन जू मोटू बोननेन कोरसे ती चू पारख एने फांदा एने घोणा सोवटा रिकामा एने नुकसान वावा लालूचमा फोसला छे जे माणूस काजे बिगाड देतली छे.
काहाकि आमरू परमेश्वर (भस्म) धोपाळ देणेवावी आगठी सारखु छे.
तीबी भक्त काजे पारोखमा गोथू वाचाड लेणे एने अधोरमी काजे नियावोन दाहळे तोक दोंडोन हालोतमा राखणे बी जानतलु छे.
बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.
एने परमेश्वरोन तीना दाहळान ओवतेन तिना दाहळान वाट काहनला रितीसी जुवनो जुवे एने तिनान मामार आवनेन कोरता कोसो कोशिश कोरनो जुवे, जिनान वोजेहसी सोरग आगठासी पिगविन गोव जासे.
इनासी मोंग आमरेमा सिद्ध होये, कि आमुक नियावोन दाहळे हिंमत होय; काहाकि जोसू चू छे तोसोच जोगोमा आमु भी छे.
जिना रितीसी सदोम एने गोमोरा एने हिंदरा साते वावा गाव, जे हिंदरेन तोसो भुंडला विचार वावा होय गोयलो होतो एने पारका डीलो पोछोव लाग गोयला होता, आगठान ओमोरकाईन दोंडमा पोळीन दाखलु बोन गोयला छे.
जो जोनावर पेहेले होतो, एने हिमी नी होय, चू खुद आठवो छे एने तीनु सातोमा गोथू पोयदा होयू, एने नाशमा पोळसे.
जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”
एने मे एक मोटलु धोव्वु सिहासन एने तिना काजे, यु तिना पोर बोस रोयू, हेरे सामने सी कोवी एने वादवो वाटाय गोया, एने हिंदरेन कोरता जागा नि जोडी.
पोछु मे नोवलो सोरोग एने नोवली कोव काजे देख्यू, काहाकि पेहलो वादवो एने पेहली कोव जात रोयली होती, एने दोरीया बी नि रोया.