2 पतरस 3:17 - बारेली पावरी

¹⁷ इनान कोरता हे मोंगावा तुमु माणसे पेहेलेत गोथा इनी वातो काजे जानीन हुशार रोयू काहाकि अधोरमी पापोमा फोसीन आपना स्थिरता काजे काहीन हातोमा गोथो मा खुवू.

2 पतरस 3:17 ပူးပေါင်းရင်းမြစ်များ

मत्ती 16:11

“तुमु काहा नी सोमेजता कि मे तुमु काजे रुटान बारामा नि कोयु, बाकीन यो कि तुमु फरुशी एने सदुकीन खमीरसी हुशारीमा रोयजू.”

मत्ती 16:6

येसु तीनु काजे कोयू, “देखू, फरुशी एने सदुकीन खोमीरसी हुशारीमा रोयजू.”

मत्ती 7:15

“झुटा भविष्य कोरतासी हुशारीमा रोयू, जे गाडरान भेसमा तुमरेनचा आवता, बाकीन ओवतेन चे फाळनेवावा कुल्या छे.”

योहान 16:4

बाकीन जे वाते मे इनान कोरता तुमु काजे कोयू, कि जेतार इंदरी टेम आवे ती तुमुक फोम आव लागे कि मे तुमु काजे पेहेलेत कोय देदलु होतु. “मे पेहेले गोथो तुमु काजे जे वाते इनान कोरता नि कोयू काहाकि मे तुमरे साते होतु.”

प्रेषित 2:42

एने चे प्रेषितोन गोथा लगातार शिक्षा लेणे, एने संगती कोरणे, रुटू खाणे, एने प्रार्थना कोरणेन मोन लागाळ रोया होता.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

1 कुरीन्थियो 10:12

इनान कोरता जो सोमजे, मे पाकु छे, “चो हुशारीमा रोये कि कोदि पोळ नी जाय,

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

गलातियों 5:4

तुमु जे शास्त्र नियमन लारे धोरमी बोननेन कोरतेला छे, मसिहसी ओलोग एने मोंगसी पोळ गोयला छे.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

फिलिप्पि 3:2

कुत्रा सी हुशारीमा रोयू, तीनु भुंडला काम कोरणे वावासी हुशारीमा रोयू, तीनु काटने वावा गोथा हुशारीमा रोयू.

कुलुस्सि 2:5

अगर मे डीलोसी तुमरे गोथू नांबे छे, ते बी आत्मासी तुमरे सात छे, एने तुमरा वारला जीवन काजे एने तुमरा भुरसान, जो मसिहमा छे, पाकु भुरसू देखीन खुश होयतलु छे.

कुलुस्सि 2:8

हुशारीमा रोयू कि कुदु तुमु काजे तीना तत्व ग्यान एने वायबार धोकान वजेसी आपनो अपमान नि कोराय लेये, जू माणसोन रिती रीवाज एने जोगोन पेहेली शिक्षान अनसारे ते छे, बाकीन मसिहन अनसारे नि.

2 तीमथी 4:15

तू हीना गोथो सावध रोयजी काहाकि होयू आमरी वातोन बी जुदा खिलाप कोरतेलू छे.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

1 पतरस 5:9

भुरसामा पाका रोयीण तेरु खिलाप कोरु एने यो जान लेयु कि तुमरा भाशे, जा जोगोमा छे इना रितीसी तोकलीत झेलणे बाज रोया.

2 पतरस 2:7

एने धोरमी लुत काजे जो अधोरमीन भुंडला चाल चलन सी घोणा दुखी होता, छुटकारू आप्यू,

2 पतरस 3:1

हे मोंगावा हिमी मे तुमु काजे यो दुसरो चिट्ठी लिखलो छे, एने दुयू तुमुक फोम देवाळीन तुमरा चुखला मोनोक उबा राखो.

प्रकाशित वाक्य 2:5

इनान कोरता फोम कोर कि तू कां गोथू पोळलु छे, एने मोन फिराव एने पेहेले सारखु काम कोर कोदि तू मोन नी फिरावे, ती मे तारेनचा आवीन तारा दिवटानु काजे तिंदरे जागे गोथू छेटू कोर दिस.