2 पतरस 2:21 - बारेली पावरी

²¹ काहाकि धारमिकता वाट नि जाननो यित तिंदरेन कोरता इंदरेन गोथा वारलो होता कि तीनाक उखीन, तिनी चुखली आग्यासी फिर जाता जे इनुक आप देतला होता.

2 पतरस 2:21 ပူးပေါင်းရင်းမြစ်များ

मत्ती 21:32

काहाकि योहान धारमिकतान वाट देखाळतू जायीन तुमरेनचा आवलु छे, एने तुमु तेरु भुरसू नी कोऱ्या बाकीन फावू लेणे वावा, वेश्या तेरे पोर भुरसू कोऱ्या एने तुमु यो देखीन ओवतेन बी नी पसतावू कोऱ्या कि तेरु भुरसू कोर लेता.

लुका 12:47

चू दास जू आपना मालिकन मोर्जी जानतू होतु, एने तीयार नी रोयू एने नी तेरी मोर्जी पोर चाल्यु, घोनु मार खासे.

योहान 15:22

ओगर मी नि आवतू एने तिंदरे पुठी वाते नि कोरतु, ती चे पापी नि ठेरायता; बाकीन हिनुक हिंदरा पापोन कोरता कहाणलु बहानु नि होय.

योहान 9:41

येसु तीनु काजे कोयू, “कोदि तुमु आंदवा छे ती पापी नि ठेराये; बाकीन जेतार कोयतेला कि आमु देखतला छे, इनान कोरता तुमरो पाप बोनला रोयतलो छे.”

रोमी 7:12

इनान कोरता शास्त्रनियम चुखलो छे एने आग्या बी चुखलो एने सोही एने वारली छे.

गलातियों 6:2

तुमु एक दिसरान भार हाकलु एने इना रितीसी मसिहन नियम शास्त्र काजे पुरा कोरु.

1 थिस्सलुनीकियो 4:2

काहाकि तुमुक मालूम छे कि आमु प्रभू येसुनचा गोथा तुमुक कानली-कानली आग्या पुगाळला.

1 तीमथी 6:14

कि तू आमरा प्रभू येसुन मसिहन प्रगट होयनेन तोक इनी आग्या काजे चुखो एने निरदोष राखे.

इब्रानियो 10:26

अगर खोरलान उवखान हासील कोरनेन बादमा बी आपु जानीन पाप कोरे ती पापोन कोरता कानलो बलिदान नी होय.

याकुब 4:17

तेरेन कोरता जू कुदु वारलो कोरनो जाणे एने नि कोरतेला, तेरेन कोरता पाप छे.

2 पतरस 3:2

कि तुमु इनी वातो काजे जू चुखला भविष्य कोरता पेहेलेत कोयला छे, एने प्रभू एने छुटकारू आपन्या तिनी आग्या काजे फोम कोरुजू तुमरे प्रेषितोन लारे आप देदलु होतु.

यहुदा 1:3

हे मोंगावा, जेतार मे तुमुक तिना छुटकारान बारामा लिखनेमा जादा मेहनतसी प्रयत्न कोर रोयू होतु जीनामा आमु आखा भागीदार छे, ती मे तुमुक यो सोमजाडनो जोरुरी जान्यू कि तिना भुरसान कोरता पुरो कोयीन कोरु जो चुखला माणसो काजे एकुत कावार सोपाय गोयलो होतो.