2 पतरस 2:19 - बारेली पावरी

¹⁹ चे तीनु काजे छुटकारू कोरनेन वायदू कोरतेला छे, बाकीन आपुत सोळलान चेला छे; काहाकि जी एक जन जीनामा हार गोयला छे, चू तेरु दास बोन जातलु.

2 पतरस 2:19 ပူးပေါင်းရင်းမြစ်များ

योहान 8:34

येसु तीनु काजे जोवाब आप्यू, “मे तुमु काजे छाचलीन-छाचलीन कोयो कि यु कुदू पाप कोरतेलू चू पापोन गुलाम छे.”

प्रेषित 19:16

एने चू माणूस जीनामा भुंडली आत्मा होती तीनु पोर चोपटीन एने ताबामा लीन, तीनु पोर ओसू जोखमी कोऱ्यु कि चे उगाळला एने जोखमी होयीन तिना घोरोमा गोथा ढाश्या.

गलातियों 5:1

मसिह आजादोन कोरता आपु काजे आजाद कोरलु छे हिमी तोक इनामा पाका रोयू, एने गुलामोन हातोमा ओवी पोसा मा जावू.

गलातियों 5:13

हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.

2 तीमथी 2:26

एने तिंदरे लारे तेरी मोर्जी पुरी कोरनेन कोरता खुद पोर आवीन भुतडान फांदमा गोथा छुट जाय.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

1 पतरस 2:16

तुमु खुद काजे आजाद कोयू; बाकीन आपनी इनी आजादी काजे बुराईन कोरता आडोव मा बोनावु; बाकीन तुमु खुदो काजे परमेश्वरोन दास सोमजीन चालू,

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.