2 पतरस 2:1 - बारेली पावरी

¹ इना रितीसी तीना माणसोन झुटा भविष्य कोरणे वावा होता, तिना रितीसी तुमरेमा बी झुटा प्रचारक होयसे, जो नाश कोरणे वावा भुंडला विचारन मोनोन कोरसे एने तिना महाराजोन जे तीनु काजे मुले लेदलु छे इनकार कोरसे, एने आपना आपु काजे तेत्यारुत नास मा नाख देसे.

2 पतरस 2:1 ပူးပေါင်းရင်းမြစ်များ

मत्ती 10:33

बाकीन जो कुदू माणसोन सामने मारू नाकार कोरसे, तीना काजे मे बी आपना सोरगो मायला बासो सामने नाकार कोरिस.”

मत्ती 24:11

लोकेत झुटा भविष्य कोरता उठीन उभरोईसे, एने लोकेत जोनाक भोनकावसे.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मत्ती 24:5

काहाकि लोकेत जोना ओसा रोयसे जे मारे नावोसी आवीन कोयसे, ‘मे मसिह छे, एने लोकेत जोना काजे भोनकावसे.’”

मत्ती 7:15

“झुटा भविष्य कोरतासी हुशारीमा रोयू, जे गाडरान भेसमा तुमरेनचा आवता, बाकीन ओवतेन चे फाळनेवावा कुल्या छे.”

मरकुस 13:22

काहाकि झुटा मसिह एने झुटा भविष्य कोरता उठीन उबरोय से, एने चिन्हा एने चमत्कारी काम देखाळसे कि ओगर होय सोके ती नेवाळला काजे बी फोसाळ देसे.

लुका 12:9

बाकीन जू माणसोन सामने मारू नाकार कोरे तेरु परमेश्वरोन सोरगो दूतो सामने नाकार कोरायसे.”

लुका 21:8

येसु कोयू, “हुशारीमा रोयू कि भुलवाय नि जाय, काहाकि घोणा सोवटा मारे नावोसी आवीन कोयसे, ‘मे होयु छे,’ एने यो बी कि, ‘टेम साते आव लागली छे’ तुमु तिना पोछोव झुनी जाता.

लुका 6:26

“हाय तुमरे पोर जेतार आखा माणसे तुमुक वारू कोयसे, काहाकि तिंदरा डाह-डाहान झुटा भविष्य कोरता साते बी ओसोत कोऱ्या कोरता होता.”

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

1 कुरीन्थियो 11:19

काहाकि भेदभाव बी तुमरेमा जरूर होसे; इनान कोरता कि जे माणसे तुमरेमा खोरला छे चे देखनो जुवे.

1 कुरीन्थियो 6:20

काहाकि दाम आपीन मुले लेवाय गोयला छे, इनान कोरता आपना डीलोन लारे परमेश्वरोन महिमा कोरु.

1 कुरीन्थियो 7:23

तुमु किमोत आपीन मुले लेवाय गोयला छे; माणसोन दास मा बोनु.

गलातियों 2:4

जो इना झुटा भाशोन वोजेसी होये, जे चुरी कोरनेसी भोराय गोयला होता, कि इना छुटकारान जू मसिह येसुमा आमु जोळलु छे, भेद लीन आमु बोंदी बोनाव्यू.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

गलातियों 4:17

ती काय तुमरे साते दोस्त बोनावने ते कोरता होता बाकीन वारला मोनोसी नी बाकीन तुमु काजे ओलोग कोरणे वावा होता कि तुमु तीनु काजे दोस्त बोनावू बाकीन वारला उद्देशसी नी.

गलातियों 5:20

मूर्ती पूजा जादू कुहराय, दुष्मोनी, झोगळा, रीस, खिलाप, भेदभाव, अधोरमी.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

फिलिप्पि 3:19

तिंदरो आखरी नाश छे एने धोरतीन चीजो पोर मोन लागाळला रोयतला छे.

कुलुस्सि 2:18

कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.

कुलुस्सि 2:8

हुशारीमा रोयू कि कुदु तुमु काजे तीना तत्व ग्यान एने वायबार धोकान वजेसी आपनो अपमान नि कोराय लेये, जू माणसोन रिती रीवाज एने जोगोन पेहेली शिक्षान अनसारे ते छे, बाकीन मसिहन अनसारे नि.

1 तीमथी 5:8

जर कोदि कुदु आपनी भूनी खास कोरीन आपना घोरोन चिंता नी कोरे ती होयू भुरसू नी राखणेवावासी बी भुंडो बन गोयलो छे.

2 तीमथी 4:3

काहाकि ओसो टेम आवसे जेतार माणसे खोरलु प्रचार नि सहन कोर सोके, पुन कानटामा खुजलीन वोजेह आपनी लालचन कोरता आपनेन कोरता लोकेत प्रचारक हेरे लेसे.

तीतुस 1:11

इंदरा मूय बंद कोरनो जुवे, ये माणसे भुंडली कोमायीन कोरता गलत वाते सिकाळीन घोर ने घोर बिगाड देतला छे.

तीतुस 3:10

कहानास झुटा काजे एक दुय कावार सोमजाडीन तीनासी ओलोग रोयजू.

इब्रानियो 10:29

ती तुमु विचार कोरु कि चू माणूस एने बी कोतरा मुशकीलोन दोंडोन भागीदार होयसे, जू परमेश्वरोन पुऱ्या काजे पाये कोरीन रोंदव्या एने वायदान लुय काजे जिनान लारे चू चुखला ठेराय गोयू, अपवित्र सोमव्या एने दयान आत्मान अपमान कोऱ्या.

1 पतरस 1:8

तेरेसी तुमु बीना देखे मोंग राखतला छे, एने हिमी ते तिना पोर बिगुर देखीन भी भुरसू कोरीन ओसा खुशीमा एने मगन होतु जू कोयनेन बारथे एने महिमासी भोरलु छे;

2 पतरस 2:3

चे लुबोन कोरता वाते गाळीन तुमु काजे आपना लाभोन कोरता बोनावसे, एने तिंदरा पोर पेहेलेसी होय रोई तेरे आवनेसी काहीन टेम नि होय, एने तिंदरा नाश सुवतलु नि.

1 योहान 2:26

मे यी वात तुमुक हिंदरा बारामा लिखलू छे, यो तुमुक भनकावतलो छे;

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.

यहुदा 1:18

चे तुमु काजे कोया कोरता होता, “पोछला दाहळामा ओसला मोजाक कोरने वावा होयसे जे आपना भोक्ती नी कोरणे वावान भुंडला मोर्जीन अनसारे चालसे.”

यहुदा 1:4

काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 3:8

मे तारा कामो काजे जानतलु छे देख, मे तारे सामने एक झोपलू उगाळलु छे, जीनाक कुदू बोंद नी कोर सोकतलो; तार ताकत इतरोकुत छे, ते बी तू मारा वचन काजे पावलु छे एने मारा कामोक मोना नी कोऱ्यु.”

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,

प्रकाशित वाक्य 6:10

चे मोटला बुलोसी आयळीन कोया, “हे स्वामी, हे चुखला एने खोरला, तू कोत्यार तोक न्याय नी कोरे? एने धोरतीन रोयने वावासी आमरा लुयोन बोदलु कोत्यार तोक नि लेये?”