13 काहाकि इना सेवा काजे कबूल कोरीन चे परमेश्वरोन महिमा सामने लावतेला छे, कि तुमु मसिहन वारली खोबर काजे सोमवीन मानीन तेरे स्वाधीन मा रोयतला एने तिंदरी एने आखान मदत कोरणेमा उद्धारता प्रगट कोरतेला छे;
इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.
माणसे यो देखीन नोवलाय गोया एने परमेश्वरोन महिमा कोरणे बाज गोया जू माणसो काजे यु होक आपलु छे.
“जेतार तुमु मारो कोयनो नि माने ती काहा मेसेक, हे प्रभू, हे प्रभू, कोयतेला?
मारा बासोन महिमा इनासी होयतेली छे कि तुमु घोनो सोवटो फोव लावे, तेत्यारुत तुमु मारा चेला ठरसु.
चो जे सोमवीन हुगात रोय गोया एने परमेश्वरोन बोढाई कोरता जायीन कोये बाज गोया तेत्यार ते परमेश्वर दिसरा जाती काजे जीवनोन कोरता मोन फिरावनेन वरदान आपलु छे.
तेत्यार चे एने तीना काजे धोमकी आपीन छुळ देदा एने काहाकि माणसोन तीनु काजे दोंड आपनेन काय मोकू नि जोळ्यू, एरेन कोरता कि जी वात होयली तेरे वोजेह आखा माणसे परमेश्वरोन बोढाई कोरता होता.
बाकीन आखा, तिना वारली खोबर प्रचार पोर कानटा नी लागाळ्या यशयाह कोये कि “हे प्रभू कून आमरे वारली खोबर पोर भुरसू कोरतेला छे.”
जू प्रचारोक होय चू प्रचार कोरतू रोये; दान आपने वावु मोनोसी आपे; जो ओगवाई कोरे, चू आनंदसी कोरे; जू दया कोरे, चू खुशीमा कोरे.
कि मी यहुदियान अविस्वासीमा वाच रोये, एने मारी ची सेवा जी यरुशलेमोन कोरीन छे, चुखली माणसो काजे गोवे;.
बाकीन हिमी देखायीन ओमोरकाई परमेश्वरोन आग्यासी भविष्य कोरणे वावान किताबोन लारे आखा जात्या काजे सोमवाळाय गोयो कि चे विश्वासी आग्या पावने वावा होय जाय,
इनान कोरता आमु विचारोन एने होर एक मोटली वातोन, जो परमेश्वरोन उवखने खिलापमा उठतली, खोंड लेतला एने होर एक मोर्जी काजे बोंदी बोनावीन मसिहन आग्या मानने वावा बोनाव देतला.
जेतार मे मसिहन वारली खोबर सोमवाळने त्रोआसमा आव्यु एने प्रभू मारेन कोरता एक झोपलु उगाळ देदू.
एने इना दानमा मे एने चुखला माणसोन सेवामा भागीदार होयनेन दयान बारामा आमु काजे घोळी-घोळी जुदी विनता कोऱ्या.
एने चो तुमरेन कोरता प्रार्थना कोरतेला; एने इनान कोरता कि तुमरे पोर परमेश्वरोन घोनी सोवटी दया छे, तुमरी लालच कोरता रोयतेला छे.
एने चे मारा बारामा परमेश्वरोन महिमा कोरता होता.
भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.
मे तुसेक परमेश्वरोन जू आखा काजे जीवतलु राखतलु, एने मसिह येसु काजे गोवायी कोरीन जू पुन्तियुस पिलातूसन ओगोव वारलु रोयलु जू आग्या आपो,
आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.
भोलाई कोरनो एने मोंता देखाळने मा वीसरु काहाकि ओसला बलिदानोसी परमेश्वर खुश होय जातलु छे.
इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.
जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.
चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.
पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.
जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.