2 कुरीन्थियो 8:9 - बारेली पावरी

⁹ तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

2 कुरीन्थियो 8:9 ပူးပေါင်းရင်းမြစ်များ

मत्ती 17:27

ते बी इनान कोरता कि आमु इनुक ठूकर नि खावाळजे, तू गलीली दोरीयान धोळे जायीन गोवी नाख, एने माछो पेहले निकवे, तीनाक ले; तेरो मूय उगाळताच एक सिक्कू जोळसे, तीनाक लीन मारे एने तुमरेन कोरता आप दे.

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

मत्ती 8:20

येसु तीनाक जवाब कोयू, “कुल्यान कोरता दोरे एने सोरगोन चिल्लान कोरता पुतरा रोयतला बाकीन माणसोन पुऱ्यान कोरता मुनको टेकनेन बी जागा नि होय.”

मरकुस 6:3

काय जी ची सुतार नी होय, जू मरीयमन पुऱ्यु, एने याकुब, एने योसेस, एने यहुदा, एने शिमोनोन भाश छे? एने काय तेरा बहोनिशानचा आमरे साते नि रोयतेला? “इनान कोरता चे तेरा बारामा ठूकर खादा.”

लुका 16:11

इनान कोरता जेतार तुमु अधोरमोन धोनमा खोरला नि ठेराये, ती खोरलो धोन तुमुक कून सोपसे?

लुका 2:7

एने ची तेरा पेहेला पुऱ्या काजे जन्मो आपी एने तीना काजे कापळामा गुंडाविन वाळामा मेकी; काहाकि तिंदरेन कोरता जागा नि होती.

लुका 8:3

एने हेरोदोन कारभारी खुजा एरी लाडी योअन्ना एने सुसन्ना, एने ओवी घोन सोवटा बायरा ये आपना पोयशासी तेरी सेवा कोरता होता.

लुका 9:58

येसु तीनाक कोयू, “कुल्या काजे बिळो एने वादवा मायला चिल्ला काजे पुतरा रोयतेला, बाकीन माणसोन पुऱ्या काजे मुनको मेकनेन बी जागू नि होय.”

योहान 1:10

चू जोगोमा होतु, एने जोग तेरे लारे बोन्यो, एने जोग तीनाक नी उवख्यो.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:17

इनान कोरता कि नियम शास्त्र ते मुसान लारे आपायलो छे, बाकीन मोंग एने खोरलो येसु मसिहन लारे पूगी.

योहान 12:30

इनापोरसी येसु कोयू, “यु आवाज मारेन कोरता नि होय, बाकीन तुमरे कोरता आवलु छे.

योहान 16:15

जो काय बासोन छे, चो आखो मारो छे; इनान कोरता मी कोयू कि चू मारी वातोमा गोथू लीन तुमु काजे कोयसे.

योहान 17:19

एने तिंदरेन कोरता मी आपना खुदो काजे चुखो कोरो, काहाकि चे बी खोरलान लारे चुखा कोराये जाय.

रोमी 11:12

इनान कोरता हिमी तिंदरो पोळनो जोगोन कोतरा धोन एने तिंदरो कोमी दिसरा जातीन कोरता मालमत्तान वोजा होयो, ती होयो तिंदरे जुव लोकेत होयनेसी काय काहीन नी होयो.

रोमी 15:3

काहाकि मसिह आपना खुदो काजे खुश नि कोऱ्यु, बाकीन जोसो लिखलो छे “तारी बुराईन बुराई मारे पोर आव पोडी.”

रोमी 5:8

बाकीन परमेश्वर आमरेपोर आपना मोंगोन भोलाई इना रितीसी प्रगट कोरतेलू कि जेतार आमु पापीत होता तेत्यार मसिह आमरेन कोरीन मोऱ्यु.

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

1 कुरीन्थियो 1:4

मे तुमरा बारामा आपना परमेश्वरोन धन्यवाद हमेशा कोरतेलू, इनान कोरता कि परमेश्वरोन दया तुमरे पोर मसिह येसुमा होये,

1 कुरीन्थियो 15:47

पेहेले माणूस धुवान होतु; दिसरू माणूस सोरगोन छे.

2 कुरीन्थियो 13:14

प्रभू येसु मसिहन दया एने परमेश्वरोन मोंग एने पवित्र आत्मान सहभागीता तुमरे साते रोयती रोये.

2 कुरीन्थियो 6:10

दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.

इफिसीयो 2:7

कि चू आपनी तिना दयासी जू मसिह येसुमा आमरेपोर छे आवने वावा टेमोन आपना दयान घोन सोवटो धोन देखाळे.

इफिसीयो 3:19

एने मसिहमा तिना मोंगोकाजे ग्यानसी पुरो छे कि तुमु परमेश्वरोन आखो आखान पुठी होय जाय.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

1 तीमथी 6:18

चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.

इब्रानियो 1:2

इना आखरी दाहळामा आमु काजे आपना पुऱ्यान लारे वात कोरलु छे, जिना काजे चू आखा चीजोन वारीस ठोराव्यू, एने तिनान लारे चू, आखा संसारोक बोनाव्यू.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 21:7

जू जय हासील कोरलु चू इना चीजोन वारीस होयसे, एने मे तेरु परमेश्वर होयीस एने चू मारू पुऱ्यु होयसे.”

प्रकाशित वाक्य 3:18

इनान कोरता मे तुसेक समती आपो कि आगठामा तातो कोरलो सोनो मारे जुव गोथू मुले ली ले कि तू धोनवान होय जाय, एने धोव्वा डोगला लीले कि तुसेक पेहेरीन तुसेक आपना उगाळलान लाज नी आवे, एने तारा डूवामा लागाळनेन कोरता सुरमू लीले कि तू देखणे बाज जाय.