2 कुरीन्थियो 8:23 - बारेली पावरी

²³ ओगर काहनुस तीतुसोन बारामा पुछे, ती चू मारू साती एने तुमरेन कोरता मुकोलला मोदतगार छे एने आमरा भाशोन बारामा पुछे ती चे मंडवीन मुकलला एने मसिहन महिमा छे.

2 कुरीन्थियो 8:23 ပူးပေါင်းရင်းမြစ်များ

लुका 5:10

एने तोसाच जब्दिन पुऱ्यु याकुब एने तोसोच योहान काजे बी, जे शिमोनोन भागीदार होता, वाहाराय गोया तेत्यार येसु शिमोन काजे कोयू, “मा बिहे; हीमी गोथू तु माणसो काजे धोरणेवावु बोनीस.”

लुका 5:7

इनापोरसी चे आपना सातीदारो काजे जे दिसरा ढोंड्यामा होता, विचार कोऱ्या कि आवीन आमरी मदत कोरे, एने चे आवीन दुयू ढोंड्या या तोक भोर लेदा कि चे डूबने बाज गोया.

योहान 13:16

मे तुमु काजे छाचलीन-छाचलीन कोयो कि सेवक आपना मालिक गोथू मोटू नि होय, एने मुकलायलु मुकलेनेवावा गोथू.

1 कुरीन्थियो 11:7

होव, माणसो काजे आपनो मुंडको ढाकनो वारू नी होय काहाकि चू परमेश्वरोन रूप एने महिमा छे बाकीन बायर माणसोन शोभा छे.

2 कुरीन्थियो 12:18

मे तीतुस काजे सोमजाडीन हेरे साते तिना भाश काजे मूकल्यु, ती काय तीतुस छोळ कोरीन तूमरे सी काहीन लेदू? काय आमु एकुत आत्मान चालना पोर नी चाले? काय एकुत वातो पोर नी चाले?

2 कुरीन्थियो 7:6

ते बी कोमजुर वावा काजे शांती आपने वावु परमेश्वर तीतुसोन आवनेसी आमु काजे शांती आप्यू;

2 कुरीन्थियो 8:16

परमेश्वरोन धन्यवाद होये, जे तुमरेन कोरता जीत खुशी तीतुसोन मोनोमा मेक देदलु छे,

2 कुरीन्थियो 8:18

आमु तुमरे साते तिना भाशो काजे मुकली देदा जेरे नावे वारली खोबरोन बारामा आखा मंडवीमा पुग गोयलो होतो;

2 कुरीन्थियो 8:19

एने ओतरो नि, बाकीन चू मंडवीन लारे ठेराय गोयलो कि इना दानोन कामोन कोरता आमरे साते आवे, आमु जी सेवा इनान कोरता कोरतेला कि प्रभून महिमा एने आमरे मोनोन तीयारी सामने आव लागे.

2 कुरीन्थियो 8:22

आमु तिंदरे साते आपना भाशो काजे मुकेल्ला छे, जीना काजे आमु घोळी-घोळी पारखीन घोणा सोवटा वातोन खुशीमा देख्यू, बाकीन हिमी तुमरे पोर तेरु मोटूत भुरसू छे, इनान रितीसी चू ओवी बी जादा खुशीमा छे.

2 कुरीन्थियो 8:6

इनान कोरता आमु तीतुस काजे सोमजाड्या कि जोसो पेहेले चू सुरुवात कोरलु होतु, तोसोच तुमरे इचमा इना दानोन कामो काजे पुरो बी कोरले.

फिलिप्पि 2:25

बाकीन मे इपफ्रुदीतुस काजे जू मारू भाश एने साथीदार एने साती लोळायन्यू एने तुमरू दूत एने गोरोजोन वातोमा मारी सेवा कोरणे वावू सेवक छे, तुमरेनचा मुकोलनो गोरोजोन सोमज्यू.

फिलिप्पि 4:3

जे खोरला साथीदारमा तुसे काजे बी विनता कोरो कि तू तीनु बायराण मदत कोर, काहाकि चे मारे साते वारली खोबर कोयनेमा क्लेमोस एने दिसरा साती साते मेहनत कोऱ्या, जिंदरो नाव जीवनी किताबमा लिखायलो छे.

कुलुस्सि 1:7

तेरी शिक्षा तुमु आपना मोंगावा साथीदार इपफ्रास गोथू आव्यु जू आमरेन कोरता मसिहन विश्वासी सेवक छे.

1 थिस्सलुनीकियो 2:2

पुन तुमुक खुदो काजे मालूम छे कि फिलीप्पीमा दुख भुगतने एने तोकलीत सोहोन कोरणे पोर बी परमेश्वर आमुक ओसी हिंमत आप्यू, कि परमेश्वरोन वारली खोबरोन भारी खिलाप होयतेली ते बी तुमुक सोमवाळ्या.

2 तीमथी 4:10

काहाकि कि देमास इना संसार काजे मोंगावू जानीन मेसे काजे छुळ देदलु छे एने थेस्सलुनीकामा जात रोयलु छे. क्रेसकेस गलातियानचा एने तीतुस दलमतीया काजे जात रोयलू छे.

तीतुस 1:4

तीतुसन नावे जू भुरसान जुळायला विचारसी मारू खोरलु पुऱ्यु छे; परमेश्वर बास एने आमरू छुटकारू आपने वावु मसिह येसुन अनुग्रह एने शांती जोळती रोये.

फिलेमोन 1:17

आखरी हिमी तू मेसेक तारू साती सोमोजतलु, ती इनाक स्वीकार कोर जोसू मेसेक.

फिलेमोन 1:24

एने मरकुस एने अरिस्तर्खुस एने देमास एने लुका जे मारा पुरा काम कोरण्या.

3 योहान 1:8

इनान कोरता ओसलान स्वागत कोरनो जुवे, जीनासी आमु भी खोरलान साते तिंदरा मोदतगार होयू.