2 कुरीन्थियो 8:21 - बारेली पावरी

²¹ काहाकि जी वाते निसतो प्रभून वाते नि बाकीन माणसो साते भोली छे, आमु तीनुन चिंता कोरतेला.

2 कुरीन्थियो 8:21 ပူးပေါင်းရင်းမြစ်များ

मत्ती 23:5

चे आपना आखा काम माणसो काजे देखाळनेण कोरता कोरतेला चे आपना मोर्जीपोद काजे मोटा कोरतेला एने आपना छिंदरान कुरे वोदाळता होता.

मत्ती 5:16

इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

मत्ती 6:1

“सावधान रोयू, तुमु माणसो काजे देखाळने कोरीन तुमरा धोरमोन काम मा कोरु, नीती तुमरा सोरगो मायला बासो जुव गोथो काय फोव नि जुळे.”

मत्ती 6:4

काहाकि तारो दान एखलामा रोये, एने तारु बास एखलामा देखे, तुसे प्रतीफोव आपसे.

रोमी 12:17

“बुराईन बोदले बुराई मा कोरु; जी वाते आखा माणसोन साते वारली छे तिंदरी चिंता कोऱ्या कोरु.

रोमी 14:18

जू कुदू इना रितीसी मसिहन सेवा कोरतेलु चू परमेश्वरोक गोवतेलु एने माणसोमा स्वीकारोन लायक ठेरायतलु छे.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 8:20

आमु इनी वातोमा हुशारीमा रोयतेला कि इना छुटकारान कामोन बारामा जेरी सेवा आमु कोरतेला, कुदू आमरेपोर गुणू नि लागाळनो जुवे.

2 कुरीन्थियो 8:22

आमु तिंदरे साते आपना भाशो काजे मुकेल्ला छे, जीना काजे आमु घोळी-घोळी पारखीन घोणा सोवटा वातोन खुशीमा देख्यू, बाकीन हिमी तुमरे पोर तेरु मोटूत भुरसू छे, इनान रितीसी चू ओवी बी जादा खुशीमा छे.

फिलिप्पि 4:8

इनान कोरता हे भाशो जे-जे वाते खोरला छे, एने जे-जे वाते आदोरोन छे, एने जे-जे वाते सही छे, एने जे-जे वाते चुखला छे एने जे-जे वाते वारू एने जे-जे वाते मोन भावनि, मतलब जा बी वारला गुणे एने बोढाईन वाते छे तीना पोर ध्यान लागाळू.

1 थिस्सलुनीकियो 5:22

आखा भातीन वातोसी वाचीन रोयू.

1 तीमथी 3:7

एने बारथे वावामा बी हेरा वारलो नाव होय, ओसो नी होय कि बोढाई होयीन भुतडान फांदामा फोस जाये.

1 तीमथी 5:14

हेरेन कोरता मे चाहो कि जुवान रोंडायला, वियाव कोरे एने पुऱ्या पोयदा कोरे एने घोर-बार सोमावे दुसरा दुष्मोन काजे बदनाम कोरनेन टेममा आपु.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.