2 कुरीन्थियो 7:7 - बारेली पावरी

⁷ एने निस्तु तेरे आवनेसी बाकीन तेरी नीती शांतीसी बी जी तीना काजे तुमरे तोरोफसी जोळली होती, चू तुमरी मोर्जी तुमरा दुखे एने मोतोन कोरता तुमरी आवाजोन खोबर आमु काजे कोया जिनासी मेसेक ओवी बी खुशी होयी.

2 कुरीन्थियो 7:7 ပူးပေါင်းရင်းမြစ်များ

मत्ती 26:75

तेत्यार पतरस काजे येसुन कोयली वात फोम आवी कुकळू वासने पेहेले तू तीन कावार मारू इनकार कोरिस एने चू बारथे जायीन ढसा-ढसा रोड्यू.

मत्ती 5:4

“सोयावा छे जे, दुख कोरतेला, काहाकि तीनुक शांती जोळसे.”

लुका 22:44

चू घोनु जुदु तोकलीतमा कासावीस होईन ओवी बी दुखोमा भोरीन प्रार्थना कोरणे बाज गोयू; एने तेरु पेसोव जोसो लुयोन मोटा-मोटा तेळा सारखो धोरती पोर पोळतो होतो.

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

रोमी 1:12

मतलब यो कि जेतार मे तुमरे इचमा रोयो ती आमु इना भुरसान लारे जो मारेमा एने तुमरेमा छे एक दिसरा काजे उस्साहित कोरे.

1 कुरीन्थियो 5:2

एने तुमु शंका ते नी कोरतेला, जीनामा ओसो काम कोरणे वावू तूमरे इचमा गोथू निकवी जातलु, बाकीन मोटाय कोरतेला छे.

2 कुरीन्थियो 1:14

ओसो तुमरेमा गोथा कोतरा मान लेदला छे कि आमु तुमरा मोटायन वोजा छे, तोसोच तुमु बी प्रभू येसुन दाहळे आमरेन कोरता मोटायन वोजा ठेरायसु.

2 कुरीन्थियो 1:4

चू आमरा आखा दुखोमा शांती आपतलु छे; काहाकि आमु तिनी शांतीन वोजेसी जू परमेश्वर आमुक आपतलु छे, तीनुक भी शांती आप सोके जो कानला रितीन दुखोमा छे.

2 कुरीन्थियो 2:9

काहाकि मे इनान कोरता बी लिखलू कि तुमु काजे पारखी लोम कि मारा आखा वातो काजे माननेन कोरता तीयार छे कि नी होय.

2 कुरीन्थियो 5:2

इनामा ते आपु कुरकुर एने मोटी लालच राखतला कि आपना सोरगोन घोर काजे पेहेर लेये.

2 कुरीन्थियो 7:6

ते बी कोमजुर वावा काजे शांती आपने वावु परमेश्वर तीतुसोन आवनेसी आमु काजे शांती आप्यू;

2 कुरीन्थियो 7:8

काहाकि हिमी तोक मे मारा चिट्ठीमा लिखीन तुमुक दुखी कोऱ्यु, बाकीन तीनासी पसतावू नि कोरतेलू जोसु कि पेहेले पसतावू कोरतू होतु, काहाकि मे देखलू कि तिनी चिट्ठीमा गोथो तुमु काजे दुख ते होयो बाकीन थुलिक वार तोक होतो.

2 कुरीन्थियो 8:16

परमेश्वरोन धन्यवाद होये, जे तुमरेन कोरता जीत खुशी तीतुसोन मोनोमा मेक देदलु छे,

फिलिप्पि 1:20

मे ते मोनोसी दाहळीन लालच एने आस मेकतलु छे कि मे काहना वातोमा नि लाजवायो, बाकीन जोसो ताकतोन हिंमतसी मसिहन बोढाई मारा डीलोन लारे हमेशा होयती आव रोयी तोसोत हिमी बी होये, अगर मे जीवतु रोयो नि ती मोर जाम.

कुलुस्सि 2:5

अगर मे डीलोसी तुमरे गोथू नांबे छे, ते बी आत्मासी तुमरे सात छे, एने तुमरा वारला जीवन काजे एने तुमरा भुरसान, जो मसिहमा छे, पाकु भुरसू देखीन खुश होयतलु छे.

1 थिस्सलुनीकियो 3:6

बाकीन हिमी तीमथीयुस, जू तुमरेनचा गोथू आमरेनचा आवलु छे, तुमरु भुरसू एने मोंगोन वारली खोबर सोमवाळ्यु एने इनी वातो काजे बी सोमवाळ्यु कि तुमु हमेशा मोंगसी आमु काजे फोम कोरतेला छे, एने आमरे देखनेन मोर्जी राखतला छे, जोसा आमु बी तुमुक देखनेन.

1 थिस्सलुनीकियो 3:8

काहाकि हिमी ओगर तुमु प्रभूमा पाका रोयू ती आमु जीवतला छे.

इब्रानियो 2:1

इना वजेसी जुवे कि आमु तीनु वातो पोर जो आमु सोमवला छे, ओवी बी मोन लागाळू, ओसो नी होये कि वोयीन तिनासी नांबे जात रोये.

याकुब 5:17

एलिया बी ते आपनेन तोसो दुख सुख वेठलु माणूस होतु; एने चू रावन्या कोरीन प्रार्थना कोऱ्यु कि पाणी नि पोळे; एने साळे तीन साल तोक धोरती पोर पाणी नि पोळ्यु.

2 योहान 1:4

मे जूदु खुशी होयू कि मे तारा कानलात पुऱ्या काजे तीना आग्यान लारे, जो आमुक बासो जुव गोथी जोळली छे, खोरला पोर चालतला जोळ्या.

यहुदा 1:3

हे मोंगावा, जेतार मे तुमुक तिना छुटकारान बारामा लिखनेमा जादा मेहनतसी प्रयत्न कोर रोयू होतु जीनामा आमु आखा भागीदार छे, ती मे तुमुक यो सोमजाडनो जोरुरी जान्यू कि तिना भुरसान कोरता पुरो कोयीन कोरु जो चुखला माणसो काजे एकुत कावार सोपाय गोयलो होतो.