2 कुरीन्थियो 6:9 - बारेली पावरी

⁹ ओनजानलान देखायनेसी, तीबी प्रसिद्ध छे; मोरणे वावान सारखो छे, एने देखू जीवतला छे; मार खाणे वावान सारकू छे बाकीन जीव सी माराय नी जातला;

2 कुरीन्थियो 6:9 ပူးပေါင်းရင်းမြစ်များ

प्रेषित 17:18

तेत्यार इपीकुरी एने स्तोईकीन माणसो माइन काहना तीना साते झोगळू कोरणे बाज गोया, एने काहनास कोया, “यु बळबळ कोरन्यू काय कोरणे चा रोयू?” बाकीन दिसरा कोया “चू दिसरा परमेश्वरोन प्रचारक मालूम पोळे, काहाकि चू येसु एने पोछोव जीव उठनेन वारली खोबर कोयतू होतु.”

प्रेषित 19:26

तुमु देखतला एने सोमवतला छे कि निसतो इफिसमा नी, बाकीन प्राय आखा आसियामा यो कोयी कोयीन यु पौलुस जादा माणसो काजे सोमजाडयु एने बुलाळतलु बी छे, कि जी हातोन कारागीरी छे चे परमेश्वर नी होय.

प्रेषित 25:19

बाकीन तिंदरू विचार तिंदरे साते निस्तु घोरोन बारामा काहनास येसु नावोन एक माणसोन बारामा होतु जू मोर गोयलु होतु न्यायी पौलुस तेरो जीव उठनेन वात कोरतू.

प्रेषित 25:26

ते बी मारे जुव इना बारामा आपना माहाराज काजे लिखने कोरीन काहीन जोरुरी वात नि होय इनान कोरता मे तुमरे आखा सामने अग्रिप्पा राजान सामने लाव रोयू जीनासी कि तपासणी सोर जासे ती काहीन लिखने जोळ जासे.

रोमी 15:19

एने चिन्ह, एने अदभूत कामोन ताकतसी, एने पवित्र आत्मान ताकतसी मारेत लारे कोऱ्यु; न्या तोक कि मे यरुशलेम सी लीन चारू भूनी इस्लुरीकुम तोक मसिहन वारली खोबरोन पुरू-पुरू प्रचार कोऱ्या.

रोमी 8:36

ओसो लिखलो छे तारेन कोरता आमुक दाहळीन मोरनो पोळतेलो, आमु काटायने लीजाणे वावा गाडरान तोसलो गीनाय गोयलो छे.

1 कुरीन्थियो 11:32

बाकीन प्रभू आमुक दोंड आपीन आपुक शिक्षा कोरतेलु, इनान कोरता कि आपनु जोगो पुठी गुणावा नि ठेराये.

1 कुरीन्थियो 15:31

हे भाशो, मेसेक हीना मोटायन कोसोम जो आमरा येसु मसिहमा मे तुमरे बारामा कोयो कि मे दाहळीन मोरतलु.

1 कुरीन्थियो 4:9

मारा सोमोजमा परमेश्वरोन आमु प्रेषित काजे आखान ओवतेन तिना माणसोन सारखो ठेरावला छे, जिंदरो मोरनेन आग्या होय गोयली छे; काहाकि आमु जोग एने सोरग दूत एने प्रेषितोन कोरता तोमासु ठेरला छे.

2 कुरीन्थियो 11:6

ओगर मे बुलनेमा अनाडी होसे, ते बी ग्यानमा नी. आमु तीनुक होर वातोमा आखा भातीन तुमरेन कोरता देखाळ देदु.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

2 कुरीन्थियो 5:11

इनान कोरता प्रभून बिक धोरीन आपना माणसो काजे सोमजाडतेलु; बाकीन परमेश्वर पोर आपनो हाल सामने छे, एने मारी आस जी छे कि तुमरा विवेक बुद्धीपोर बी सामने आव्यो होसे.