2 कुरीन्थियो 6:8 - बारेली पावरी

⁸ आदर एने नी आदर सी, भुंडलो नाव एने वारला नावोसी कोदापी भूलवाडने वावा जोसा मालूम होयतला छे ते बी खोरलो छे;

2 कुरीन्थियो 6:8 ပူးပေါင်းရင်းမြစ်များ

मत्ती 10:25

चेलान एने गुरुन, एने दासोन एने स्वामीन बोराबोर रोयनो सोवटो छे जेतार चे घोरोन स्वामी काजे भुतडो कोये ती तेरे घोर वावा काजे काहा नि कोये.

मत्ती 22:16

ओवतेन चे आपना चेलानुक हेरोदोन हाते येसुनचा यो कोयने मुकल्या कि, “हे गुरु, आमु जानतेला कि तू खोरलु छे, एने परमेश्वरोन वात खोरला रितीसी सीखाळतलु, एने कुदान पोरवा नी कोरतेलू, काहाकि तू माणसोन मूय देखीन वाते नी कोरतेलू.”

मत्ती 27:63

“हे माहाराज, आमुक फोम छे कि चू बुलावने वावू जीवतू होतु कोयलु होतु, मे तीन दाहळान ओवतेन जीव उठीस.

मरकुस 12:14

चे आवीन येसु काजे कोया, “हे गुरु, आमु जानतेला छे, कि तू खोरलू छे, एने कुदान पोरवाय नि कोरतेलू; काहाकि तू माणसोन मूय देखीन वाते नि कोरतेलू, बाकीन परमेश्वरोन वाट देखाळतेलू छे ती काय केसरोन कोरजू आपने सही छे कि नि,

योहान 7:12

एने माणसोमा तेरे बारामा चुराये-चुराये जुदा वाते होया काहनला कोयता होता, “चू वारला माणूस छे” एने कहानला कोयता होता, “नि, चू माणसो काजे भनकावतलु छे.”

प्रेषित 10:22

चे कोया कुरनेलियुस सुभेदार जू धोरमी एने परमेश्वरोक बिहीने वावू एने आखा यहुदि जातीमा धोरमी माणूस छे, चू एक चुखला सोरग दूतो सी यो दर्शन देखलू कि तुसेक आपने घोर बुलावीन तारा मुयसी वचन सोमवे.

प्रेषित 16:39

एने आवीन तीनु काजे सोमजाडया, एने बारथे लीजायीन विनता कोऱ्यु कि देसोम गोथा जात रोये.

प्रेषित 22:12

तेत्यार हनन्या नावोन एक माणूस जू नियमोन भक्त होतु चा रोयने वावा आखा यहुदिमा मोटू पुढारी होतु.

प्रेषित 24:5

काहाकि आमु इना माणसो काजे तोकलीत एने जोगोन आग्या यहुदिमा गोरबोळ कोरणे वावू एने नासरीन कुपोंथोन मुखी कोवायतलु.

प्रेषित 28:22

बाकीन आमु तारा विचार सोमवनेन मोर्जी राखतला काहाकि आमुक इना पंथोन बारामा यो मालूम छे कि आखे जागे माणसे एरा खिलापमा वाते कोरतेला.

प्रेषित 4:21

तेत्यार चे एने तीना काजे धोमकी आपीन छुळ देदा एने काहाकि माणसोन तीनु काजे दोंड आपनेन काय मोकू नि जोळ्यू, एरेन कोरता कि जी वात होयली तेरे वोजेह आखा माणसे परमेश्वरोन बोढाई कोरता होता.

प्रेषित 5:13

बाकीन कुदान हिंमत नि होयती होती कि तीनुमा जाय लागे; ते बी माणसे तिंदरी बोढाई कोरता होता.

प्रेषित 6:3

इनान कोरता, हे भाशो, आपनेमा सात पुढारी माणसो काजे जे पवित्र आत्मा एने ग्यानसी भोरायला होसे नेवाळ लेसू, कि आपनु तीनु काजे इना कामोन कोरता नेम देजे.

रोमी 3:8

“आमु काहा बुराई नी कोरजे कि वारलो निकवे?” जोसो आमरेपोर योत गुणू लागाळने बी जातलो छे, एने काहनास कोयतेला कि इंदरो योत कोयनो छे बाकीन ओसलान गुणावा ठेरावनेन ठीक छे.

2 कुरीन्थियो 1:18

परमेश्वर खोरलु गोवा छे कि आमरा तीना वचनमा जो मे तुमु काजे कोयू “हाव एने नी दुयू नी जोळ जातला.”

2 कुरीन्थियो 11:21

मारो कोयनो अपमान रिती पोर छे; सोमजू आमु एरेन कोरीन कोमजुर सारखा होता बाकीन जिनी कानली वातोमा कुदू हिंमत कोरतू होय मे बी ओकोलसी हिंमत कोरो.

2 कुरीन्थियो 12:16

ओसो होय सोकतलो छे कि मे तुमरे पोर भार नी मेक्यू, बाकीन हुशारीसी तुमु धुकू आपीन फोसाळ देदु.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

1 थिस्सलुनीकियो 2:3

काहाकि आमरू प्रचार नि शंका सी होय एने नी भुंडलासी, एने नी छळ पुठी होय.

1 तीमथी 3:7

एने बारथे वावामा बी हेरा वारलो नाव होय, ओसो नी होय कि बोढाई होयीन भुतडान फांदामा फोस जाये.

1 तीमथी 4:10

काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.

इब्रानियो 13:13

इनान कोरता बुराई आपने उपोर लीन साहवान बारथे तीनानचा निकवी गोया.

1 पतरस 4:14

ओगर मसिहन नावोन वोजेसी तुमरी बुराई कोराय जातली छे, ती तुमु सोयावा छे, काहाकि महिमान आत्मा, जू परमेश्वरोन आत्मा छे, तुमरेमा आव्या कोरतेलू छे.

3 योहान 1:12

दिमेत्रियुस बारामा आखात, नि तेत्यार खोरलो चोत गोवायी आप्यू; एने आमु बी गोवायी आपतला छे, एने तू जानतलु छे कि आमरी गोवायी खोरली छे.

प्रकाशित वाक्य 3:9

“देख, मे भुतडान तीनु स्वभाव वावानुक काजे तारा ताबामा कोर दिस जे यहुदि बोनीन बोसला छे, बाकीन होय नी तेत्यार झूट बुलतला छे-देख, मे ओसो कोरिस कि चे आवीन तारा पायो पोर पोळसे, एने यो जान लेसे कि मे तुमरे पोर मोंग कोरलु छे.