2 कुरीन्थियो 6:3 - बारेली पावरी

³ आमु काहणी वातोमा ठूकर लागणेन कायबी मोकू नि आपतला काहाकि आमरी सेवा पोर कुदू गुणू नि लागाळे.

2 कुरीन्थियो 6:3 ပူးပေါင်းရင်းမြစ်များ

मत्ती 17:27

ते बी इनान कोरता कि आमु इनुक ठूकर नि खावाळजे, तू गलीली दोरीयान धोळे जायीन गोवी नाख, एने माछो पेहले निकवे, तीनाक ले; तेरो मूय उगाळताच एक सिक्कू जोळसे, तीनाक लीन मारे एने तुमरेन कोरता आप दे.

मत्ती 18:6

“बाकीन जू कुदु इना नानलामा गोथू मार पोर भुरसू कोरे ती एक काजे ठूकर खावाळे, तेरेन कोरता वारला होये कि मोटली घट्टीन पुळ तेरे गोवामा बांदाय जातलो छे, एने चू उंडला दोरीयान पाणीमा डूबाय जातलो.”

प्रेषित 19:27

इनासी आखा निस्ता इनी वातोन बिक नी होय कि आमरा इना धोंदान प्रतिष्टा जात रोयसे, बाकीन जिकी महान देवी अरतिमिसोन मंदीर विटोव सोमजाय जासे, एने जीनाक आखो आसिया एने जोग पूजतलो छे तेरो महत्व बी जात रोयसे.”

रोमी 14:13

आखरी ओगा आमु एक दिसरा पोर गुणू नि लागाळजे, पुन तुमु जो पाको मानतेला कि आपना भाशोन सामने दुख नीती ठूकर खाणेन वोजा होये.

1 कुरीन्थियो 9:12

जेतार दिसरान तुमरे पोर यो होक छे, ती काय आमरो इना गोथो जादा नी होसे? बाकीन आमु यु होक कामोमा नी लावनो; बाकीन आखो काय सोहोतला छे कि आमरे लारे मसिहन वारली खोबरमा काहीन रुकावट नी रोये.

1 कुरीन्थियो 9:22

मे कोम ताकत वावान कोरता कोम ताकत वावू बोन्यू कि कोम ताकत वावा काजे हापकी लावो मे आखा माणसोन कोरता आखो काय बोन्यू कि काहनाबी रितीसी काहना एकोन छुटकारू कोरावो.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 8:20

आमु इनी वातोमा हुशारीमा रोयतेला कि इना छुटकारान कामोन बारामा जेरी सेवा आमु कोरतेला, कुदू आमरेपोर गुणू नि लागाळनो जुवे.