2 कुरीन्थियो 6:10 - बारेली पावरी

¹⁰ दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.

2 कुरीन्थियो 6:10 ပူးပေါင်းရင်းမြစ်များ

मत्ती 5:12

तेत्यार खुशी कोरीन मुजामा रोयजू, काहाकि तुमरेन कोरता सोरगोमा मोटलो फोव छे, इनान कोरता, कि चे तीनु भविष्य कोरता काजे जे तुमरे पेहेले होता, इना रितीसी छळ कोरला होता.

मत्ती 5:4

“सोयावा छे जे, दुख कोरतेला, काहाकि तीनुक शांती जोळसे.”

लुका 6:21

“सोयावा चे तुमु जे हीमी भुकला छे, काहाकि आफेरला कोराय जासे” “सोयावा छे तुमु जे हीमी रोड रोया, काहाकि हाससू”

योहान 16:22

तिना रितीसी तुमुक बी हिमी ते दुख छे, बाकीन मे तुमुक ओवी भेटीस एने तुमरा मोने खुशीसी भोराय जासे; एने तुमरी खुशी कुदु तुमरे जुव गोथू हापकी नि लेये.

प्रेषित 16:25

आदी रातोन टेमे पौलुस एने सिलास प्रार्थना कोरता जायीन परमेश्वरोन भजन गावता होता एने कैदि तिंदरो सोमवी रोया होता.

प्रेषित 3:6

ती पतरस कोयू “मारे जू सोनो चांदी ती नि होय बाकीन जो मारे जुव छे चो तुसेक आपो येसु मसिह नासरीन नावोमा उठ एने चाल.”

प्रेषित 5:41

चे इनी वातो पोर खुश होईन महासभा ओगोव गोथा जात रोया, कि आमु तेरे नाव कोरता अपमान होयनेन ते ठेहेऱ्या.

रोमी 11:12

इनान कोरता हिमी तिंदरो पोळनो जोगोन कोतरा धोन एने तिंदरो कोमी दिसरा जातीन कोरता मालमत्तान वोजा होयो, ती होयो तिंदरे जुव लोकेत होयनेसी काय काहीन नी होयो.

रोमी 12:15

खुशी कोरणे वावा साते खुशी कोरु, एने रोडने वावा साते रोडू.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

रोमी 9:2

कि मेसेक जुदो दुख छे एने मारो मोन हमेशा दुख कोरतेला.

1 कुरीन्थियो 1:5

कि हीनामा होयीन तुमु होर एक वातोमा, मतलब आखा वचन एने आखा ग्यानमा धोनवावा कोराय गोया.

2 कुरीन्थियो 2:4

जुदु तोकलीतसी एने मोनोन मेहनतसी मे घोणा सोवटा आसवा वोयाळीन तुमु काजे लिखलू होतु कि तुमु तिना मोटला मोंग काजे जान लेवू, जो मेसेक तुमरेसी से.

2 कुरीन्थियो 4:15

काहाकि आखा चीजे तुमरेन कोरता छे, काहाकि दया घोणा सोवटान लारे जादा होयीन परमेश्वरोन महिमान कोरता धन्यवाद भी बोढावे.

2 कुरीन्थियो 4:7

आपने जुव चो धोन धुवान ठाहरामा मेकलो छे कि यो मोल्यवान ताकत आपने तोरोफसी नी बाकीन परमेश्वर तोरोफसी ठेरे.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

फिलिप्पि 4:4

प्रभूमा हमेशा खुशीमा रोयू; मे ओवी कोयो खुशीमा रोयु,

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

कुलुस्सि 3:16

मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

1 थिस्सलुनीकियो 1:6

तुमु मोटा तोकलीतमा, पवित्र आत्मान खुशी पुठी, वचन काजे मानीन आमरी एने प्रभून तोसी चाल चालने बाज गोया.

1 थिस्सलुनीकियो 5:16

हमेशा खुशीमा रोयू.

1 तीमथी 4:8

काहाकि डीलन तीयारी सी कोम फायदु होयतलु छे, पुन भोक्ती आखा वातोन कोरता फायदान छे, काहाकि इने टेमोन एने आवने वावा जीवनोन बी वायदू इनान कोरता छे.

1 तीमथी 6:18

चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.

इब्रानियो 10:34

काहाकि तुमु बंदी इंदरे साते मोंग देखाळ्या एने आपनी मालमत्ता काजे कोबजामा कोर लेनेन यो सोमजीन खुद कोबूल कोऱ्या कि तुमरे जुव ओवी बी ज्यादा खुशी कोर लेनेन यो सोमजीन खुद कोबूल कोऱ्या कि तुमरे जुव एने बी जादा वारली एने टीकनेवावी संपत्ती छे.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 21:7

जू जय हासील कोरलु चू इना चीजोन वारीस होयसे, एने मे तेरु परमेश्वर होयीस एने चू मारू पुऱ्यु होयसे.”