2 कुरीन्थियो 6:1 - बारेली पावरी

¹ आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

2 कुरीन्थियो 6:1 ပူးပေါင်းရင်းမြစ်များ

मत्ती 23:37

“हे यरुशलेम, हे यरुशलेम; तू भविष्य कोरता काजे मार नाखतलु, एने जे तारेनचा मुकल्या तिंदरे पोर दोगळ मार कोरतेला लोकेत कावा मेसेक लागतो होतो कि जोसी कुकळी आपना पिलात काजे आपना पाखळा तोवे एखठा कोरतेली, तोसुच मे बी तारा पुऱ्या काजे एखठा कोर लोम, बाकीन तुमुक नी लागतो होतो.”

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

प्रेषित 14:3

इनान कोरता चे चा घोणा सोवटा दाहळा तोक रोया एने प्रभू तिंदरे हातोसी मोटला काम कोरीन आपना दयान वचनोन गोवायी आपता रोया.

रोमी 12:1

इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

1 कुरीन्थियो 3:9

काहाकि आमु परमेश्वरोन साथीदार छे; तुमु परमेश्वरोन खेत एने परमेश्वरोन भवन छे.

2 कुरीन्थियो 10:1

मे चू पौलुस जू तुमरे सामने नम्र छे बाकीन तुमरे पोछोव तुमरेसी कोळक रोयतेलु, तुमु काजे मसिहन नम्रता एने नोरमाईन वजेसी सोमजतेलु.

गलातियों 2:21

मे परमेश्वरोन दया काजे वायबार नी ठेरावतू; काहाकि ओगर नियम शास्त्रान लारे धोरमी होयता ती मसिहन मोरनो वायबार होयतो.

गलातियों 3:4

काय तुमु ओसा दुख वायबारुत झेल रोया? बाकीन कांखुर माहीन वायबार नी.

1 थिस्सलुनीकियो 3:5

इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

तीतुस 2:11

कि परमेश्वरोन दया प्रगट छे, जो आखा माणसोन छुटकारान वोजा छे,

इब्रानियो 12:15

ध्यानसी देखता रोयू कि कुदू परमेश्वरोन दयासी छेटू नी रोय जाय, नीती कुदु कोळोवालो थुळ फुटीन तोकलीत आपे, एने लारे घोना सोवटा माणसे भुंडली होय जाय.

इब्रानियो 12:25

सावधान रोयू एने तीना बुलने वावान इनकार मा कोरु काहाकि जेतार चे माणसे धोरती पोर चेतावनी आपनेवावान नी सामने सारखा वाच जाय ती सोरगोमा गोथी चेतावनी आवने वावान नी सोमवला सारका कोरीन कोदि बी नी वाच सोके.

इब्रानियो 4:1

इनान कोरता जेतार कि तेरा आरामोमा जाणेन वायदू हिमी तोक बोनली छे, ती आपुक बिहीन रोयनो जुवे, कोदि ओसो नी मालूम होय कि तुमरेमा गोथू कुदू तीनासी रोय जाय.

1 पतरस 4:10

जेतार आखा काजे एक खास वरदान जूळलो छे, ती तिनाक परमेश्वरोन ओलोग-ओलोग भातीन अनुग्रहन वारला भंडारीन सामने एक दिसरान सेवामा लागाळू.