2 कुरीन्थियो 5:9 - बारेली पावरी

⁹ इनान वोजेसी आपना मोनोन मोर्जी छे कि अगर साते रोये-नीती ओलोग रोये बाकीन आपनु तीनाक लेता रोयू.

2 कुरीन्थियो 5:9 ပူးပေါင်းရင်းမြစ်များ

योहान 6:27

नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”

प्रेषित 10:35

बाकीन हर जातीन जू तीनाक बिहतेलु एने धर्मान कामे कोरतेलू चू तीनाक गोवतेलु.

रोमी 14:18

जू कुदू इना रितीसी मसिहन सेवा कोरतेलु चू परमेश्वरोक गोवतेलु एने माणसोमा स्वीकारोन लायक ठेरायतलु छे.

रोमी 14:8

ओगर आपनु जीवतला छे, ती प्रभून कोरीन जीवता छे; एने ओगर मोरतेला, ती प्रभून कोरीन मोरतेला; आखरी आपनुक जीवाळे नीती मारे, आमु प्रभून छे.

रोमी 15:20

बाकीन मारी मोनोन मोर्जी यो छे कि जा मसिहन नाव नि लेवाय गोयो चात वारली खोबर कोयो, एने ओसो नि होये कि दिसरान पाया पोर घोर बोनावो.

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

2 कुरीन्थियो 5:6

एने आपनु हमेशा हिंमत बांधीन रोयतला एने यो जानतला कि जेतार तोक आपु डीलोमा रोयतला छे तेत्यार तोक प्रभूसी ओलोग छे.

2 कुरीन्थियो 5:8

इनान कोरता आपु हिंमतोन बांधीन रोयतला एने डीलो गोथो ओलोग रोयीण प्रभू साते रोयनेन ओवी बी वार सोमोजतेला.

इफिसीयो 1:6

कि तिनान तिनी महिमान मोंगसी बोडाय होये, जीनाक चू आपनु काजे मोंगोमा फुकट आप्यू.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

कुलुस्सि 1:29

इनान कोरता मे तेरी तिनी ताकतोन अनसारे जू मारेमा ताकत साते ओसोर पाळे, ती तनमोन लागाळीन मेहनत बी कोरतेलू छे.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

1 थिस्सलुनीकियो 4:11

एने जोसा आमु तुसेक आग्या आपला छे, तोसोत हुगा रोयने एने आपना-आपना काम-काजे कोरणे एने आपना-आपना हातोसी कोमायनेन कोशिश कोरु;

1 तीमथी 4:10

काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.

इब्रानियो 12:28

आखरी, जेतार आमु काजे ओसलो राज जोळनेपोर पाको छे, ती आवू आपु मजबूत रोयीण आदर एने बिकोमा परमेश्वरोन ओसी आराधना कोरे जू तीना काजे पसंद छे.

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.

2 पतरस 3:14

इनान कोरता हे मोंगावा जेतार कि तुमु इनान वातोन आस देखतलो, ती कोशिश कोरु कि तुमु शांतीसी तिनान ओगोव चुखला एने निरदोष ठोरु.