2 कुरीन्थियो 5:20 - बारेली पावरी

²⁰ इनान कोरता आपु मसिहन राजदूत छे; माणू परमेश्वर आपनेन कोरता विनता कोर रोयू, आपु मसिहनचा विनता कोरतेला कि परमेश्वर साते हिव मेवीन कोर लेये.

2 कुरीन्थियो 5:20 ပူးပေါင်းရင်းမြစ်များ

लुका 10:16

“जू तुमरी सोमवतलु, चू मारी सोमवतलु; एने जू तुमु काजे नेचू सोमोजतलु, चू मेसे काजे नेचू सोमोजतलु; एने जू मेसेक नेचू सोमोजतलु, चू मेसेक मुकोलने वावा काजे नेचू सोमोजतलु”.

लुका 14:23

मालिक पावोर काजे कोयू, “सोयळोक पोर एने वाळाभूनी जा एने माणसो काजे इशारू कोरीन लीयाव काहाकि मारो घोर भोराय जाय.”

योहान 20:21

येसु पोछु हिनु काजे कोयू, “तुमुक शांती जोळे; जोसू बास मेसेक मुकेललु छे, तोसुच मे बी तुमु काजे मुकलो.”

रोमी 5:10

काहाकि दुष्मोन होयनेन हालोत तेरा पुऱ्यान मोरनोन लारे आमरू मेव परमेश्वर साते होयू, ती चो ओवी मेव होय जाणे पोर तेरे जीवनोन लारे आमुक छुटकारू काहा नी जोळे?

2 कुरीन्थियो 12:10

इनान वोजेसी मे मसिहन कोरता कोम ताकत वावामा, एने बुराईमा, एने गोरबायमा, एने उपद्रोव मा, एने तोकलीतमा खुश छे; काहाकि जेतार मे कोमजुर होयतलु छे तेत्यार ताकत वावू होयतलु छे.

2 कुरीन्थियो 3:6

जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.

2 कुरीन्थियो 5:11

इनान कोरता प्रभून बिक धोरीन आपना माणसो काजे सोमजाडतेलु; बाकीन परमेश्वर पोर आपनो हाल सामने छे, एने मारी आस जी छे कि तुमरा विवेक बुद्धीपोर बी सामने आव्यो होसे.

2 कुरीन्थियो 6:1

आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

इफिसीयो 6:20

जिनान कोरता मे साकव्यासी बांधलु राजदूत छे; एने यो बी कि मे इतरा वारामा जोसो मेसेक लाग्यो हिंमतसी बुलो.

कुलुस्सि 1:20

एने तेरे ख्रुस पोर वोयलो लुयोन लारे मेवाळने कोरीन आखा चीजोन तेरेत लारे आपने साते मेवाय जाय चाहे चे धोरती पोरला होय कि सोरगो मायला होय.

1 थिस्सलुनीकियो 4:8

इनान वोजेहसी जू तिनाक कोम मानतलु छे चू माणसो काजे नि बाकीन परमेश्वर काजे कोम लेखतलु, पवित्र आत्मा तुमुक आपतलु छे.