18 जे आखा वाते परमेश्वर तोरोफसी छे, जू मसिहन लारे आपने साते आपनो हिव मेवीन कोर देदु, हिव मेवीन सेवा आपनु काजे आप देदलु छे.
जिना कुदान घोरमा जाय, पेहेले कोयू, “इना घोरोन भोलो होये.”
एने यरुशलेम गोथो आखा जात्यामा मोन फिरावोन एने पापोन माफी प्रचार तिनान नावसी कोराय जासे.
काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.
योहान जवाब आप्यू, “जेतार तोक माणसो काजे सोरगोमा गोथो नि आपाये, तेत्यार तोक तीनाक काय नी जोळ सोकतलो.”
जो वचन चू इस्राईलोन चा मूकल्यु, जेतार चू येसु मसिहन लारे (यो आखो काहीन प्रभू छे) शांतीन वारली खोबर सोमवाळ्यु.
काहाकि तिनानचा गोथो, एने तिनान लारे, एने तिनान कोरता आखो काहीन छे तेरी महिमा कायम होयती रोयसे. आमेन.
आखरी, जेतार आमु भुरसासी धोरमी ठेराया, ती आपना प्रभू येसु मसिहन लारे परमेश्वर साते मेव राखे.
बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.
काहाकि जोसो बायोर ओदमीसी छे, तोसोच ओदमी बायरोन लारे छे; बाकीन आखा चीजे परमेश्वर गोथो छे.
एने प्रभाव शाली काम लोकेत भातीन छे, बाकीन परमेश्वर एकुत छे, जू आखामा होर एक भातीन प्रोभाव पोयदा कोरतेलू.
अपुल्लोस काय छे? एने पौलुस काय छे? निस्ता सेवक, जिंदरे लारे तुमु भुरसू कोऱ्या, जोसू होर एक काजे प्रभू आप्यू.
ते बी आमरेन कोरता ते एकुत परमेश्वर छे; मतलब बास जिना तोरोफसी आखा चीजे एने आपना तिनान कोरता छे मतलब, येसु मसिहन जिनान लारे आखा चीजे बोन्या एने आपनु तेरे लारे.
चू हिमी तेरो शारीरिक डीलोमा मोरोनोन लारे तुमरेसी मेव कोर देदू काहाकि तुमुक तेरे ओगोव चुखला एने बेगुना बोनावीन तिनाक उबराखसे.
इना वजेसी तीनुन जुवतो होतो, कि आखा वातोमा तुमरा भाशो सारखो बोनु जीनासी चू परमेश्वर सी नात बोनावे, एक दयावू एने भुरसान लायक महायाजक बोने ताकी माणसोन पापोन कोरता पोसतावू कोरे.
काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.
एने होयुत आमरे पापोन पश्चाताप छे, एने बोस आमरो ओतरो नि आखा जोगोन पापोन बी.
मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.