2 कुरीन्थियो 4:7 - बारेली पावरी

⁷ आपने जुव चो धोन धुवान ठाहरामा मेकलो छे कि यो मोल्यवान ताकत आपने तोरोफसी नी बाकीन परमेश्वर तोरोफसी ठेरे.

2 कुरीन्थियो 4:7 ပူးပေါင်းရင်းမြစ်များ

मत्ती 13:44

“सोरगोन राज खेतोमा डूकाळला धोनोन सारखो छे, जीनाक काहनास माणसो काजे जोळ्यो एने डुकाळ देदू, एने खुशीन मारे जायीन तेरो आखो काहीन वेच देदू एने तिना खेत काजे मुले ली लेदू.”

मत्ती 13:52

येसु तीनु काजे कोयू, “इनान कोरता होर एक शास्त्री जू सोरगोन राजोन चेलू बोनलू छे, तिना घोरोन सारखू छे जू आपना भोंडारमा गोथू नोवली एने जुनली चीजे निकावतलु छे.”

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

1 कुरीन्थियो 1:28

एने परमेश्वर जोगोन नेचला एने वीटवला काजे, चा ओतरा नि बाकीन जो होय बी नि तीनुक बी नेवाळ लेदलु छे कि तीनुक जो छे, बिन कामोन ठेरावे.

2 कुरीन्थियो 10:10

काहाकि चे कोयतेला, “तारी चिट्ठी ते बिहने वावी एने भारलो छे, बाकीन जेतार चू सामने आवतेलु, ती चू डीलोन कोमजुर एने वक्तव्यमा हलकू मालूम पोळतेलु.

2 कुरीन्थियो 13:4

चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

2 कुरीन्थियो 4:1

इनान कोरता जेतार आमरे उपर परमेश्वरोन ओसी दया होई कि आमु काजे जी सेवा जोळी ती आमु हिंमत नी छुळतला.

2 कुरीन्थियो 5:1

काहाकि आमु काजे मालूम छे कि जेतार आपनो धोरती पोर मोंडप सारखो घोर पाळाय जासे ती आपनुक परमेश्वर तोरोफसी सोरगोमा एक ओसो घोर जोळसे जो हाते कोरीन बोनावलो घोर नी होय बाकीन ओमोरकाईन छे.

2 कुरीन्थियो 6:10

दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.

इफिसीयो 2:5

जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 2:12

एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.

कुलुस्सि 2:3

जीनामा बुद्धी एने ग्यानोन आखो भोंडार डूकायलो छे.

1 थिस्सलुनीकियो 1:5

काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

1 थिस्सलुनीकियो 4:4

एने तुमरे माहीन होर एक चुखला एने आदोर साते आपनी लाडी काजे हासील कोरने जाणू,

2 तीमथी 2:20

मोटला घोरमा नी निसतो सोनो चांदी पुन लाकळान एने धुवान ठाहरा भी रोयतला, काहना-काहना कामोन, एने काहना-काहना बिना कामोन कोरता.