2 कुरीन्थियो 4:4 - बारेली पावरी

⁴ एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

2 कुरीन्थियो 4:4 ပူးပေါင်းရင်းမြစ်များ

मत्ती 13:22

जो झाडक्यामा वेरायलो होतो, यो चो छे, जू वचन काजे सोमोवतलु छे, बाकीन चे इना संसारोन चिंता एने धोनोन धुकू वचन काजे दाब देतला छे, एने चो फोव नी लावतलो,

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 12:31

हिमी इना जोगोन नियाव होयसे, हिमी इना जोगोन सरदार; निकवाय जासे.

योहान 12:35

येसु तीनु काजे कोयू, “विजावो हिमी थुलिक वार तोक तुमरेमा छे जेतार तोक विजावो तुमरे पुठी छे तेत्यार तोक चालता रोयू, ओसो नि होये कि आंदारो तुमुक आवीन घेर लेये; यु आंदाराम चालतलु चू नि जानतलु कि कांखुर जाणे बाज रोयू.

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

योहान 12:45

एने जो मेसेक देखतला चे मेसेक मुकलने वावाक देखतलु.

योहान 14:30

मे हिमी तुमरे साते ओवी वाते नि कोरो, काहाकि इना जोगोन सरदार आव रोयू मारे पोर तेरु काय होक नी होय;.

योहान 15:24

कोदि मे तिंदरेमा जो काम नि कोरतु जो एने कुदु नि कोऱ्या, ती चे पापी नि ठेरायता; बाकीन हिमी ते चे मेसेक एने मारू बास दुयू काजे देख्या एने दुयू पुठी दुष्मोनी कोऱ्या.

योहान 16:11

नियावोन बारामा इनान कोरता कि जोगोन सरदार गुणावू ठेराय गोयलु छे.

योहान 8:12

येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

प्रेषित 26:23

बाकीन जो कि मसिह काजे दुख उठावणे पोळसे एने चू मोरलामा गोथू जीव उठने वावामा पेहेलू होईन यहुदिन प्रजान एने दिसरा जातीमा विजावान प्रचार कोरसे.

1 कुरीन्थियो 10:20

नी, बाकीन यो कि दिसरा जातीन जे बलिदान कोरतेला छे; चे परमेश्वरोन कोरता नी बाकीन भुंडली आत्मान कोरता बलिदान कोरतेला छे एने मेसेक नी जुवतो कि भुंडला आत्मान सहभागी होये.

2 कुरीन्थियो 2:11

कि भुतडान आपनेपोर डाव नी चाले काहाकि आमु तेरे युक्ती सी अनजानला नी होय.

2 कुरीन्थियो 2:12

जेतार मे मसिहन वारली खोबर सोमवाळने त्रोआसमा आव्यु एने प्रभू मारेन कोरता एक झोपलु उगाळ देदू.

2 कुरीन्थियो 3:11

काहाकि जेतार चो जेतार कोम होयतो होतो विजावो होतो जो चो पाकु रोयसे एने बी विजावू काहा नी होयो.

2 कुरीन्थियो 3:14

बाकीन चू मतीमंद होय गोयू काहाकि आज तोक जुनलु नियम भोननेन टेमे तिंदरा मोनोमा चू पोडदु मेकाय रोयतलु बाकीन चे मसिहमा उठ जातला छे.

2 कुरीन्थियो 3:18

बाकीन जेतार आपनु आखान उगाळला चेहरासी प्रभून विजावो इना रितीसी छे, जिना रितीसी आरसामा प्रभून लारे जू आत्मा छे आपनु तीना विजावा रुपमा थुलो-थुलो कोरीन बदलता जातला छे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

इफिसीयो 6:12

काहाकि आपनो यो लोळायनो लुय एने मासोपुठी नी होय बाकीन प्रधानो पुठी, एने अधिकारी पुठी एने इना जोगोन आंदारलान सुभेदारोपुठी एने भुंडला भुंड लाव आत्मिक सेना पुठी छे जे सोरगोमा छे.

फिलिप्पि 2:6

जू परमेश्वरोन स्वरूप सारखो होयीन बी परमेश्वर सारखो होयनेन बी आपना ताबामा मेकनेन चीज नी सोमज्यु.

कुलुस्सि 1:15

चू ते नि देखाये ओसलु परमेश्वरोन प्रतिरूप एने आखा जोगोमा पेहेलू छे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

1 तीमथी 1:11

यो कि सोयावू परमेश्वरोन महिमान हीना वारली खोबरोन अनसारे छे जो मेसेक आपलो होतो.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

इब्रानियो 6:4

काहाकि जे माणसे एक कावा विजावो ली लेदला एने सोरगोन वोरदानोक चाख लेदा एने पवित्र आत्मान भागीदार बोनाव लेदला छे.

2 पतरस 1:19

आमरे साते जो भविष्य कोरने वावान वचन छे, चू इनी घटनासी पको ठोहऱ्यो, तुमु यो वारलो कोरतेला जू या सोमजीन तिंदरे पोर ध्यान कोरतेला कि चू एक दिवू छे, जू आंदाराला जोगोमा तीने टेमे तोकून विजावो कोरतू रोयतलु जेतार तोकून कि पाय नि फाट जाय फाटे एने सोंदारेन चांदणी तुमरा डीलोम नि चोमके.

1 योहान 2:11

पुन जो कुदु आपना भाश पुठी बुराई कोरतेलू छे चू आंदारामा छे एने आंदारलामा चालतलु छे, एने नि जानतलु कि का जाने छे, काहाकि आंदारो हेरा डूवा काजे आंदवो कोर देदलो छे.

1 योहान 2:8

ते बी मे तुमुक नोवीन आग्या लिखो, एने यो तीनामा एने तारेमा खोरली ठेरायली छे; काहाकि आंदारलो मिटायतू जातलु छे, एने खोरलान विजावो हिमी चोमोकने लागलो छे.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.