2 कुरीन्थियो 4:2 - बारेली पावरी

² बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

2 कुरीन्थियो 4:2 ပူးပေါင်းရင်းမြစ်များ

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 6:21

आखरी जिनी वातोसी हिमी तुमु लाजवायतला, तीनु काजे तिनी टेमे तोक काय फोव जोळतलो? काहाकि तेरो आखरी ते मुसा छे,

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

2 कुरीन्थियो 11:6

ओगर मे बुलनेमा अनाडी होसे, ते बी ग्यानमा नी. आमु तीनुक होर वातोमा आखा भातीन तुमरेन कोरता देखाळ देदु.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 5:11

इनान कोरता प्रभून बिक धोरीन आपना माणसो काजे सोमजाडतेलु; बाकीन परमेश्वर पोर आपनो हाल सामने छे, एने मारी आस जी छे कि तुमरा विवेक बुद्धीपोर बी सामने आव्यो होसे.

2 कुरीन्थियो 6:8

आदर एने नी आदर सी, भुंडलो नाव एने वारला नावोसी कोदापी भूलवाडने वावा जोसा मालूम होयतला छे ते बी खोरलो छे;

2 कुरीन्थियो 7:14

काहाकि ओगर मे तेरे सामने तुमरे बारामा काहीन मोटायकी कोऱ्यु ती लाजवायलु नि बाकीन जोसो आमु तुमु काजे आखी वाते आखो छाचलीन छाचलीन कोय देदलु होतु, तोसोच आमरो मोटायकी देखाळने, तीतुसोन ओगोव बी खोरलो निकव्यो,

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

इफिसीयो 5:12

काहाकि तिंदरा डूकायला कामोन वात बी लाजवायने वावी वात छे.