2 कुरीन्थियो 3:6 - बारेली पावरी

⁶ जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.

2 कुरीन्थियो 3:6 ပူးပေါင်းရင်းမြစ်များ

मत्ती 13:52

येसु तीनु काजे कोयू, “इनान कोरता होर एक शास्त्री जू सोरगोन राजोन चेलू बोनलू छे, तिना घोरोन सारखू छे जू आपना भोंडारमा गोथू नोवली एने जुनली चीजे निकावतलु छे.”

मत्ती 26:28

काहाकि जो नोवीन वायदू जो लुय छे जो घोणा सोवटा जुगू पापोन माफीन कोरता वोयाळाय जातलो छे,

मरकुस 14:24

एने येसु तीनु काजे कोयू, यो नोवला वायदू मारो चो लुय छे, जो घोना सोवटान कोरता वोयाळाय जातलो छे.

लुका 22:20

इना रितीसी चू खाणान ओवतेन प्यालू बी आपतू जाईन कोयू, यो प्यालू मारा तीना लुयमा जो तुमरेन कोरीन वोयाळाय जाय नवीन वायदू छे.

योहान 5:21

जोसू बास मोरला काजे उठाडतेलु एने जीवाळतलु छे, तोसुच पुऱ्यु बी जे गोवतेला तीनुक जीवाळतलु छे.

योहान 6:63

आत्मा ते जीवन छे, डीलोसी काय फायदु नि होय; जी वात मे तुमु काजे कोयलु छे ची आत्मा छे, एने जीवन बी छे.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

रोमी 3:20

काहाकि शास्त्रनियम कामोसी काहनो प्राणी तेरे सामने धोरमी नी ठेराये, इनान कोरता कि शास्त्रनियमोन लारे पापोन उवखोन होयतलो.

रोमी 4:15

शास्त्रनियम ते रीस उपजावेतली, एने जा शास्त्रनियम नी होय, चा तेरो नियम तुडनो बी नी होय.

रोमी 4:17

जोसो लिखलो छे “मे तुसे काजे घोणा सोवटा जातीन बास ठेरावलु छे” तिना परमेश्वरोन सामने जिना पोर तू भुरसू कोऱ्यु एने जू मोरलामा गोथू जीवतलु एने जे वाते होय नि तेरो नाव ओसो लेये कि सोमजू चू छे,

रोमी 7:6

बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

1 कुरीन्थियो 11:25

इना रितीसी चू खाणेन ओवतेन प्यालू बी लेदू एने कोयू, “यु प्यालू मारा लुयमा नवलू वायदू छे जोतरा कावार पिसू, ती मारी फोम कोरीन योत कोऱ्या कोरु.”

1 कुरीन्थियो 12:28

एने परमेश्वरोन मंडवीमा मे ओलोग-ओलोग माणसोक नेमलू छे, पेहेले प्रेषितोन दुसरू भविष्य कोरता, तीसरु मास्तर, ओवते मोटला काम कोरणे वावा, एने आरगाई आपने वावो वरदान, एने एहेसान कोरणे वावा एने शास्त्र पावणे वावा एने होर एक भाती-भातीन भाषा बुलने वावा.

1 कुरीन्थियो 15:45

ओसोत लिखलो बी छे, कि “पेहेलू माणूस मतलब आदोम जीवतलु जोनावर बोनु” एने आखरी आदोम, जीवन आपनेवावू आत्मा बोन्यू.

1 कुरीन्थियो 3:10

परमेश्वरोन तीना दयान अनसारे जो मेसेक आपाय गोयलो छे, मे बुद्धिमान राजमिश्री सारखो पायु नाख्यो, एने दिसरू तिना पोर कोरतेलू छे बाकीन होर एक माणूस हुशारीमा रोये कि चू तिना पोर पोसु कोसू रद्दा मेकतलु छे.

1 कुरीन्थियो 3:5

अपुल्लोस काय छे? एने पौलुस काय छे? निस्ता सेवक, जिंदरे लारे तुमु भुरसू कोऱ्या, जोसू होर एक काजे प्रभू आप्यू.

2 कुरीन्थियो 11:23

काय चेत मसिहन सेवक छे. मे गांडान तोसु कोयो, मे तिंदरेसी बोढीन छे, जादा मेहनत कोरणेमा; घोळी-घोळी बोंदी होयनेमा; चाबका खाणेमा; घोळी-घोळी मोतोन सोंकोटमा.

2 कुरीन्थियो 3:14

बाकीन चू मतीमंद होय गोयू काहाकि आज तोक जुनलु नियम भोननेन टेमे तिंदरा मोनोमा चू पोडदु मेकाय रोयतलु बाकीन चे मसिहमा उठ जातला छे.

2 कुरीन्थियो 3:3

यो प्रगट छे कि तुमु मसिहन चिट्ठी छे, जीना काजे आमु सेवकोन सारखो लिख्या एने चो शाईसी नी बाकीन जीवतला परमेश्वरोन आत्मासी दोगळान पाटीपोर नी बाकीन मोनोन माणसोन रुपोन पाटीपोर लिखला छे.

2 कुरीन्थियो 3:7

ओगर मोतोन चू वायदु जेरो लिखलो दोगळा पोर बोनावलो होतो, न्या तोक विजावो होयो कि मुसान मुयो पोर विजावोसी जो कोम होयतो होतो, इस्राईल तेरे मुयो पोर नोजोर नी नाक सोकता होता.

2 कुरीन्थियो 3:9

काहाकि जेतार गुणावा ठेरावने वावी वायदु विजावो होतो ती धोरमी ठेरावने वावी वाचा ओवी बी विजावो काहा नी रोयो?

गलातियों 3:21

ती काय नियम शास्त्र परमेश्वरोन वायदान खिलापमा छे? कोबी नी; काहाकि ओगर ओसी नियम शास्त्र आपायलो जे जीवन आप सोकतलो, ती छाचलीन धारमिकतासी नियम शास्त्र पोरसी रोयती.

इफिसीयो 2:1

चू तुमु काजे बी जीवाळ्यु, जे आपना गुणा एने पापोन कोरता मोरला होता.

इफिसीयो 2:5

जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).

इफिसीयो 3:7

मे परमेश्वरोन मोंगोन तिना दानोन अनसारे, जोतरी मोटला प्रभावोन अनसारे मेसे काजे आपाय गोयलो छे तिना वारली खोबरोन सेवक बोन्यू.

1 तीमथी 4:6

अगर तू इनू भाशो काजे सोमजाडतू रोयसे, ती मसिह येसुन वारलु दास बोनसे; एने भुरसू एने हेरा वारला प्रचारोन वातो पोर, जो मानतू आव रोयु, तारू देख भाव होयतो रोयसे.

2 तीमथी 1:11

जिनान कोरता मे प्रचारक, एने प्रेषितोन, एने वारली खोबरोन प्रचारक भी ठेरायु.

इब्रानियो 12:24

एने नोवला वायदान अगवू येसुन एने छिळकनेन तिना लुयोनचा जो हाबिलोन लुयोन नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.

इब्रानियो 7:22

इनान कोरता येसु वारली वायदान गोवा ठेहेऱ्यु.

इब्रानियो 8:13

जेतार चू कोयू एक नोवली वायदा ते चे पेहेली वाचाकाजे जुनली ठेराव देदा; काहाकि जी जुनली एने जीर जातली छे ती तेरो नाश होयनो जोरुरी छे.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 योहान 1:1

तिना जीवनोन वचनोन बारामा मे जू पेहेले गोथू होतु, जीनाक आमु सोमव्या, एने जीनाक आपने डूवे सी देख्या, एने आमु ध्यान दिन देख्या एने हाते कोरीन छिम्या.