2 कुरीन्थियो 3:5 - बारेली पावरी

⁵ यो नी कि आपु खुद इनान लायक छे कि आपना तोरोफसी काहीन वातोन विचार कोर सोके बाकीन आमरी लायकी परमेश्वरोन तोरोफसी.

2 कुरीन्थियो 3:5 ပူးပေါင်းရင်းမြစ်များ

लुका 21:15

काहाकि मे तुमु काजे ओसू बुल एने ग्यान आपीस कि तुमरा आखा दुष्मोन तुमरू सामनु नीती रूकावट नि कोर सोके.

लुका 24:49

एने देखू, जेबी वायदू मारू बास कोरलु छे, मे तीना काजे तुमरे पोर उतारीस एने जेतार तोक सोरगोमा गोथो ताकत नि जोळे, तेत्यार तोक तुमु इना सोहोरोमा रोय रोयू.”

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

रोमी 15:18

काहाकि इनी वातो काजे छुळीन मेसेक ओवी काहणी वातोन बारामा कोयनेन हिंमत नि, जो मसिहमा दिसरा जात्यान ताबान कोरता वचन, एने कर्म,

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

1 कुरीन्थियो 3:10

परमेश्वरोन तीना दयान अनसारे जो मेसेक आपाय गोयलो छे, मे बुद्धिमान राजमिश्री सारखो पायु नाख्यो, एने दिसरू तिना पोर कोरतेलू छे बाकीन होर एक माणूस हुशारीमा रोये कि चू तिना पोर पोसु कोसू रद्दा मेकतलु छे.

1 कुरीन्थियो 3:6

मे लागाळयू एने अपुल्लोस एखठो कोऱ्यु, बाकीन परमेश्वर बोढायु.

2 कुरीन्थियो 12:9

बाकीन चू मेसे काजे कोयू, “मारी दया तारेन कोरीन सोवटी छे; काहाकि मारो ताकत कोम ताकतसी पुरो होयतेली छे” इनान कोरता मे मोटला खुशीसी मारी कोम ताकत पोर मोटाय कोरीस, मसिहन ताकत मारे पोर छावाय रोयतली छे.

2 कुरीन्थियो 2:16

कुदान कोरता ते मोरनेन वोजह मोरनोन गोंद एने कोतराकोण कोतरा जीवनोन कोतरा जीवनोन वारलु गोंध. भोलो इना वातोन लायक कून छे?

2 कुरीन्थियो 4:7

आपने जुव चो धोन धुवान ठाहरामा मेकलो छे कि यो मोल्यवान ताकत आपने तोरोफसी नी बाकीन परमेश्वर तोरोफसी ठेरे.

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

फिलिप्पि 4:13

जू मेसे काजे ताकत आपतलु छे तीनामा मे सोब काय कोर सोकतलु.

2 तीमथी 2:2

एने जे वाते तू लोकेत गोवाय सामने मारेंचा गोथू सोमवतलु छे, तीनुक विश्वासी मोनसी काजे सोप दे; जे दिसरा काजे बी सिकाळनेन लायक छे.

याकुब 1:17

काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.