2 कुरीन्थियो 3:14 - बारेली पावरी

¹⁴ बाकीन चू मतीमंद होय गोयू काहाकि आज तोक जुनलु नियम भोननेन टेमे तिंदरा मोनोमा चू पोडदु मेकाय रोयतलु बाकीन चे मसिहमा उठ जातला छे.

2 कुरीन्थियो 3:14 ပူးပေါင်းရင်းမြစ်များ

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

मत्ती 16:17

येसु तीनु काजे जोवाब आप्यू, “हे शिमोन, योनान पुऱ्यु, तू सोयावू छे; काहाकि मास एने लुयसी नी बाकीन मारू बास जू सोरगोमा छे, जी वात मार पोर देखाळलु छे.”

मत्ती 6:23

बाकीन ओगर तारु डूवू भुंडू होसे, ती तारो आखो डील बी आंदारलो होयसे; इनान वोजेसी चो विजावो जो तारेमा छे ओगर आंदारलो होय जाय ती आंदारलो कोतरो मोटो होसे.

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

योहान 12:46

मी जोगोमा विजावो बोनीन आव रोयू, काहाकि जू कुदु मार पोर भुरसू कोरे चू आंदारामा नि रोये.

योहान 8:12

येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”

प्रेषित 13:15

तेत्यार नियम शास्त्र एने भविष्य कोरतान किताब भोननेन ओवतेन प्रार्थनान घोरोन सरदार तिंदरेचा कोय मुकल्या, “हे भाशो अगर माणसोक प्रचार कोरणे कोरता तुमरा मोनोमा काहीन होय ती कोयू.”

प्रेषित 15:21

काहाकि जोनावरोमा गोथो सोहोर-सोहोरमा मुसान नियम शास्त्रण वारली खोबर कोयने वावा होयने आवला छे, एने आखा शब्बाथोन दाहळे प्रार्थना घोरमा वाचाय जातली छे.

प्रेषित 16:14

लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

2 कुरीन्थियो 3:15

आज तोक जेतार कोदि मुसान किताब पोढाय जातली छे ती तिंदरे मोनोमा पोडदु मेकाय रोयतलु.

2 कुरीन्थियो 3:6

जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

इफिसीयो 4:18

काहाकि तिंदरी दिमाक आंदारी होय गोयली छे एने बिना जानकारीन वजेसी जो तीनुमा छे एने तिंदरो मोनोन वातळो होयनेन वोजेसी चे परमेश्वरोन जीवनोसी ओलोग कोरला छे.